POP 5

Lajmet më të lexuara të 5 minutave të fundit

Kronikë

Rikonstruktohet kopshti i Selishtës, Xhaçka: Ushtarakët kanë kuletën e vogël, por zemrën të madhe

Kopshti i Selishtës në Dibër është rikonstruktuar dhe ministrja e Mbrojtjes, Olta Xhaçka falenderoi për ambientin komod, të ngrohtë dhe të pajisur me mjetet e lodrat e duhura, efektivët e Policisë Ushtarake. 

Ministrja e Mbrojtjes Olta Xhaçka ka qenë e pranishme në kopshtin e Selishtës, që i është nënshtruar së fundmi rikonstruksionit. 

Xhaçka ka parë nga afër punën e bërë për përmirësimin e kushteve të kopshtit dhe vlerësoi punën dhe bujarinë e efektivëve të Policisë Ushtarake. Ajo cilësoi se rikonstruktimi i kopshtit është bërë i mundur nga kursimet dhe puna e tyre e mrekullueshme.

Dua të falenderoj nga zemra efektivët tanë të Policisë Ushtarake për këtë dhuratë shumë domethënëse që u kanë bërë këtyre fëmijëve këtu në kopshtin e Selishtës. Përmes kursimeve të tyre, përmes dhuratave të tyre, kemi mundur që të riparojmë kopshtin dhe t’u krijojmë një ambient shumë më të përshtatshëm për të ndenjur, për të mësuar edhe dua ta theksoj që siç e kemi thënë në fakt edhe në raste të tjera që, ushtarakët tanë e kanë kuletën e vogël por e kanë zemrën shumë të madhe.

Dhe është ajo zemra e madhe që na ka sjellë sot këtu për të ndihmuar këta fëmijë dhe për të festuar me ta festën e fundvitit, duke ju uruar atyre dhe familjeve të tyre një vit sa më të mbarë me shëndet, me mbarësi edhe me gjithë ç'ju do zemra këtyre fëmijëve të mrekullueshëm. Kështu që shumë faleminderit efektivëve tanë të Policisë Ushtarake, vërtet kanë bërë një punë të mrekullueshme.

Olta Xhaçka, Ministrja e Mbrojtjes

Veç rikonstruksionit të kopshtit, i cili zgjati rreth 1 muaj, efektivët e Policisë Ushtarake shpërndanë për fëmijët pako të veçanta me lodra dhe veshje, si dhurata për Vitin e Ri.

Fëmijët e njësisë administrative Selishtë do të mësojnë tanimë në një ambient më komod, më të ngrohtë dhe të pajisur me mjetet, librat dhe lodrat e duhura. 

Ministrja Xhacka me efektivët e Policisë Ushtarake, në kopshtin e Selishtës 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu