Rikthehet Elvana Gjata, flet për krimin në ish-Bllok: Jam e vrarë, s’i kam dashur askujt të keqen

Pas disa muajsh e zhdukur nga rrjetet e saj sociale, Elvana Gjata ka postuar për herë të parë një status. Këngëtarja shqiptare shkruan krahas një fotoje të bërë brenda një studioje muzikore se ka kaluar një situatë mjaft të vështirë që pas krimit të ndodhur në zonën e ish-Bllokut, mbrëmjen e 4 tetorit të vitit 2018.

Elvana vijon më tej duke falenderuar të gjithë njerëzit që e kanë mbështetur gjatë kësaj periudhe dhe shprehet se nuk do të largohet nga muzika, pa të cilën nuk jeton dot.

“Nuk e kam aspak te lehte kete moment, por e kuptoj qe me duhet ti them dy fjale, pasi u detyrohem shume te gjithe atyre qe cdo dite me kane shkruar duke me pyetur per shendetin, e duke me ofruar mbeshtetjen e tyre… kolege, miq, te aferm, dhe sigurisht ata qe kurre nuk me kane braktisur e kurre nuk kane reshtur me dashurine e tyre ndaj meje dhe muzikes time, fansat e mi.

Po… kam kaluar nje periudhe shume te veshtire… fizikisht dhe moralisht… e derrmuar dhe e vrare nga fjale, fjale, fjale… edhe me shume se sa une ne kete moment mund te shpreh me fjale…Kurre ne jeten time si kam dashur keq askujt…ajo qe kam dashur gjithmone eshte te shoh vec lumturi, kudo ku kemi qene bashke, ne cdo koncert e cdo video qe ju keni publikuar me kenget e mia.  Nuk e kam aspak te lehte, por ju kam ju… e do vazhdoj te bej ate per te cilen me keni dhuruar kaq shume dashuri ne me shume se 10 vjet e pa te cilen nuk di a mund te jetoj… ,”– përfundon Gjata.

Postimi i Elvana Gjatës

Po përse u “zhduk” Elvana?

Në lokalin “Monopol”, më datë 4 tetor 2018, si pasojë e një përplasje me armë mbeti i vrarë Fabjol Gaxha, truprojë e Ervis Martinajt, ku ky i fundit mbeti i plagosur së bashku me shokun e tij Eljo Hato. I përfshirë në konflikt ishte edhe Ajaks Bonjaku, i cili u vetëdorëzua në polici vetëm disa ditë pas ngjarjes. Në kërkim u shpallën tre persona: ish-komandoja Merviol Bilo, Ervin Mata (i dashuri i Elvana Gjatës) dhe Fabjol Alushi. Ky i fundit u arrestua nga policia vetëm para disa ditësh dhe më pas u la në masën detyrim paraqitje.

Si fillim u mendua se arsyeja e përleshjes ishte këngëtarja Elvana Gjata, por hetimet e mëtejshme zbuluan se bëhej fjalë për një sherr të mbartur të të fejuarit të saj, Ervin Mata, me disa persona të tjerë, ku përmendet emri i biznesmenit Eldi Dizdari (partneri i Suada Sherifit). Dizdari është gjithashtu kushëriri i Arbër Cekajt, pronarit të magazinës ku u kapën 613 kg kokainë në Maminas, i cili aktualisht është në Gjermani i arrestuar.

TAG:
• Elvana Gjata
• Ervis Martinaj
• vrasja ne bllok