TIRANE - Teatri i Metropolit risjell në skenë premieren "14 vjeç dhëndër" bazuar mbi motivet e Çajupit. Shfaqja do të mbahet në zhanrin e groteskut sa i takon interpretimit të roleve dhe kostumografisë. Skenografia do të jetë e përbërë me elemente të kasetës, e ndër to më kryesori është regjistrimi.

Një nga trajtimet e personazheve do të jetë ndryshimi i gjinive jo tek aktorët por në interpretimin e tyre. Pra, gratë do të sillen si burra dhe burrat si gra. Kjo do të vihet re më shumë tek dyshja kryesore, Tanë-Vangjel dhe Marigo-Gjino.

Premiera do të shfaqet para publikut në ambientet e Teatrit të Metropolit në datën 16 nëntor dhe zgjat 90 minuta.

(Shqiptarja.com)