Rikthehet MurAL Fest Tirana, transformimi i Tiranës në një imazh plot ngjyra dhe jetë

Rikthehet MurAL Fest Tirana, transformimi i Tiranës në një imazh plot ngjyra dhe jetë

Pas suksesit në vitin e parë, rikthehet për të dytin vit Festivali i arteve urbane i quajtur MurAL Fest Tirana  që do të zhvillohet nga data 1 deri në 8 qershor të këtij viti.

Bashkia e Tiranës ka hapur thirrjet për të gjithë ata artistë që duan të bëhen pjesë e këtij festivali ngjyrash, ku tematika do të jetë e lirë në mënyrë që vepra të shkrihet me fasadën përkatëse në varësi të hapësirës urbane që do të zërë.

Ky fetival i organizuar nga Bashkia e Tiranës  synon t’i japë  një imazh të ri hapësirave të qytetit duke sjellë një energji shumë të bukur e duke lënë një muze të hapur në natyrë.

MurAL Fest Tirana është një kontribut unik, i cili do t’i japë qytetit një nxitje për transformimin e Tiranës në kryeqytetin e artit dhe kulturës, një urë tregimesh të reja vizuale në Ballkan, si dhe bashkëpunime të pandërprera. Jeta e përditshme, rruga dhe historitë e saj janë të ndërthurura, duke u rritur në mure dhe reinventuar në një përzierje të gjuhëve në një mënyrë për të krijuar identitetin dhe ridizajnimin e hapësirës urbane, duke synuar ndërtimin e një historie të re.

Ky shkëmbim kulturor ka kaluar kufijtë dhe ka krijuar në kryeqytetin e Tiranës një pikë të ngrohtë pritëse të artit. Vitin e shkuar, pjesëmarrës në Mural Fest ishin një grup artistësh urbanë me famë ndërkombëtare, pjesa më e madhe e të cilëve erdhën nga Italia. Të tjerë artistë ishin nga Shqipëria, Serbia, Franca, Uruguai, Bullgaria, Rumania, etj. Qytetarët e Tiranës u bënë dëshmitarë të një ngjarjeje të veçantë, frytet e së cilës po i shijojmë çdo ditë në hapësirat urbane të qytetit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Skandal trukimi në futbollin belg, Westerlo dhe Genk barazojnë 1-1! Lojtarët 'shëtisin' në fushë (VIDEO)

Skandal trukimi në futbollin belg, Westerlo dhe Genk barazojnë 1-1! Lojtarët 'shëtisin' në fushë (VIDEO)