POP 5

Lajmet më të lexuara të 5 minutave të fundit

Sport

Rikthehet Superliga, Mema: Sezoni i Kastriotit varet nga ndeshja me Teutën, merkato e janarit e varfër!

Këtë fundjavë skuadrat e Superligës do luajnë ndeshjet e para për 2023 dhe trajneri i Kastriotit Ardian Mema thotë se nëse nuk e nisin me fitore kundër Teutës sezoni do vështirësohet shumë. Sakaq ai nuk pret shumë nga merkato, pasi pohon se në janar është e vështirë të gjesh futbollistë cilësorë.

Ardian Mema e nisi me këmbën e mbarë te Kastrioti, duke fituar me Vllazninë, por skuadra krutane në fund të 2022 u mposht nga Egnatia, duke konfirmuar paqëndrueshmërinë. Trajneri tiranas thotë se ndërprerja e kampionatit e ka ndihmuar që të transmetojë idetë e tij te futbollistët, por shpreson që 2023 kundër Teutës të shtunën ta nisin me fitore, pasi në të kundërt do jetë shumë e vështirë për të përballuar sezonin.

“Mendoj se kjo është një ndeshje që duhet me doemos të interpretohet mirë nga ana ime dhe e futbollistëve. Na duhet një përqëndrim maksimal, pasi për ne është një ndeshje shumë e rëndësishme. Rezultati pozitiv do ti sjellë një marëmbajtje të mir sezonit pasi në vijim kemi përballje me skuadrat më të forta,”-u shpreh Ardian Mema, trajner i Kastriotit.

Janari është periudhë merkatoje, por Mema nuk është optimist për blerjet e reja.

“Jemi në tratativa me 1-2 futbollista, por do kemi shumë kujdes sepse nuk duhet të kalojmë në aventurë, duke qenë se janari është shumë i varfër. Futbollistët i kanë zënë vendet e tyre dhe dhe në treg është e vështirë të gjesh të duhurin,”-deklaroi Ardian Mema, trajner i Kastriotit.

Pas 15 javësh kampionat Kastrioti renditet në vendin e 7 me 18 pikë, vetëm 4 më shumë se Teuta që pozicionohet e fundit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Janar, 17:13

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Merkato në Superligë/ Veseli ikën nga Egnatia pas 8 ndeshjesh, Tirana afron një sulmues! Flamurtari afrime për elitën

Merkato në Superligë/ Veseli ikën nga Egnatia pas 8 ndeshjesh, Tirana afron një sulmues! Flamurtari afrime për elitën

6 Janar, 13:14