POP 5

Lajmet më të lexuara të 5 minutave të fundit

Sociale

Rikthehet trafiku në Tiranë, shkak shtimi i automjeteve dhe ndërhyrja në infrastrukturë! Qytetarët: Çdo ditë i njëjti problem

Rikthimi i normalitetit dhe në prag të nisjes së vitit shkollor, kryeqyteti është përfshirë nga trafiku dhe kaosi. Shkak është bërë shtimi automjeteve në rrugë si dhe ndërhyrja në infrastrukturën e disa akseve. Për Report TV qytetarët shprehen se ky problem tashmë është bërë pjesë e përditshmërisë së tyre ku çdo ditë u duhet të presin mbi 20 minuta për të përshkruar disa prej akseve në kryeqytet.

Me përfundimin e sezonit veror në rrugët e kryeqytetit janë rikthyer radhët e gjata të trafikut.  Krahas shtimit të numrit të automjeteve shkak për krijimin e trafikut në kryeqytet është bërë edhe ndërhyrja në infrastrukture në disa prej akseve kryesore.

Më problematike situata paraqitet në akse si kryqëzimi i 21-dhjetorit, unaza e re dhe rruga që të lidh me rrethrrotullimin e ish-sheshit shqiponja dhe rrethrrotullimi i zogut të zi ku ka dhe më shumë qarkullim automjetesh.

Këtë problem e evidentojnë edhe qytetarët të cilët për mikrofonin e Report Tv shprehen se me këtë shqetësim ata përballen çdo ditë ku të paktën u duhen 20 minuta për të kaluar në këto akse.

“Përballeni shpesh me trafik në këtë aks? Përditë, 2-3 herë në ditë. Sa qëndroni në trafik? 15-20 minuta është e përditshme, këtu në darkë vonë ka trafik jo më ditën. Është shumë trafik i rënduar edhe kur të bëhet rruga e re kështu do të jetë gjithmonë se besoj se do të ketë zgjidhje. Kam 15 minuta që pres në trafik.”- u shprehën qytetarët.

Për të menaxhuar sado pak kaosin e trafikut që shkaktohet në këto akse të Tiranës nga ana e policisë rrugore ka një shtim në numrin e efektivëve.

Fashat e orareve ku vihet re më së shumti kjo problematike është në 07:00-09:00 kur qytetarët shkojnë për në punë dhe 16:00-18:00 kur ata kthehen në banesë.

Kjo situatë pritet të përkeqësohet edhe më shumë kjo për shkak se vetëm pak ditë na ndajnë nga fillimi i shkollave ç’ka sjellë dhe një shtim akoma me të madh të numrit te automjeteve.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bledi: 04/09/2020 18:56

    DUHET NJE TUNEL NGA TRENI E DERI TEK KTHESA E KAMZES,,QE TE MOS KETE ME TRAFIK......

    Përgjigju
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Shqipëria në mesin e 4 vendeve europiane me rënien më të lartë të fëmijëve

Shqipëria në mesin e 4 vendeve europiane me rënien më të lartë të fëmijëve

30 Janar, 08:12