Opozita e përçarë/ Basha: Qeveri tranzitore, të largojmë Ramën! Kryemadhi: Në 13 Tetor kemi zgjedhje

Kreu i opozitës, Lulzim Basha në mbledhjen e Kryesisë së PD ka deklaruar se opozita nuk largohet nga qëndrimet e tyre që kanë kërkuar edhe më parë. Basha duke komentuar zgjedhjet lokale të 30 qershorit ka deklaruar se ODHIR i vuri vulën krimit dhe manipulimit  që u bë nga KQZ.

Më pas Basha ka thënë se opozita ka si qëndrim qeveri tranzitore, zgjedhje te lira e te ndershme, parlamentare dhe lokale.

Reagimi i Bashës:

1. Rama edhe kur i ben i vetem kandididimet, votimet dhe numerimin, edhe kur nuk ka kundershtar per te vjedhur, vjedh dhe manipulon. Kete e deshmojne qindra denoncime nga media dhe mijera te tjera nga qytetaret si dhe gjetjet nga raporti paraprak i ODIHR, me i keqi qe nga 97. Rama e beri per te rritur pjesemarrjen fiktive. ODIHR vuri vulen per rolin kriminal te KQZ ne kete operacion te papare manipulimi. Me Edi Ramen nuk mund te kete kurre zgjedhje te lira.

2. Konstatimet paraprake te ODIHR nxjerrin mes shume problemeve 2 çeshtje kryesore:

a) dekreti i presidentit eshte ne fuqi, farsa e 30 qershorit eshte nul sepse eshte kunder parimit themelor te sundimit te ligjit

b) regjistrimi i paterices se krijuar nga Edi Rama per te krjuar iluzionin e gares u be ne shkelje te ligjit. Votimi i 30 qershorit eshte nul.

3. Refuzimi qe shqiptaret i bene farses eshte refuzim ndaj regjimit te Edi Rames.  Ndonese PD eshte aksionierja kryesore e ketij refuzimi popullor ka shume aksionere. Me ne u bashkua shumica absolute e shqiptareve.  Ky eshte refuzim i regjimit te Edi Rames. Detyra jone eshte qe, nepermjet aksionit tone politik, ta kthejme kete nga shumice refuzuese per regjimin e Rames, ne nje shumice shprese dhe besimi per ndryshim. 

Ftesa ndaj shqiptareve per diten e hene eshte: te gjithe bashke kunder diktatures, ne mbrojtje te familjeve dhe femijeve tuaj, ne mbrojtje te Demokracise dhe Kushtetutes.

Qendrimi yne eshte i pandryshueshem, 30 qershori vetem na motivon me shume ne vendosmerine tone: largimi i Edi Rames, ndeshkim te politikaneve qe vodhen zgjedhjet ne bashkepunim me krimin dhe te gjithe atyre qe organizuan dhe zbatuan farsen e 30 qershorit, qeveri tranzitore, zgjedhje te lira e te ndershme, parlamentare dhe lokale.

Edi Rama me kukuvajkat dhe mercenaret e tij deshtuan ne planin tashme te zbardhur per ta percare PD dhe opoziten. PD dhe opozita dolen me te forte dhe me te bashkuar nga 30 qershori. Ata nuk meritojne asnje vemendje apo harxhim kohe. Injorojoni, perbuzini, e gjithe energjia ne aksionin politik kunder padronit dhe financuesit te tyre Edi Rames!

Kryetarja e LSI-së, Monika Kryemadhi pas takimit me Lulzim Bashën në selinë e PD-së, deklaroi se kryetarët e bashkive që janë zgjedhur nga kjo forcë politike në zgjedhjet e 2015, nuk do të lirojnë zyrat për të zgjedhurit e rinj që dolën nga procesi i 30 Qershorit.

Ndërkohë që mes opozitës nuk ka një qëndrim të unifikuar për dekretin e Presidentit që vendosi si datë zgjedhjesh 13 Tetorin, pasi zhdekretoi 30 Qershorin. E ndërsa Basha nuk lëviz nga kushtet e tij duke kërkuar largimin e Ramës dhe qeveri tranzitore, Kryemadhi tha se kryetarët e bashkive do të qëndrojnë deri në zgjedhjet e 13 Tetorit duke aprovuar datën e re.

"Kapja e sistemit dhe cdo institucion nuk mund të jetë jetëgjatë, protesta e së hënës do të jetë si gjithë të tjerat, paqësore, provokatorët e Ramës dhe Lleshajt nuk mund të provokojnë më shqiptarët dhe opozitën.

30 Qershori tregoi se Rama është minoraca e minorancës, edhe në raportin e ODHIR-it e keni që ishin votime. Nëse mendoni se varfëria dhe kapja e shtetit dhe cdo gjë tjetër që Rama mendon të vendosë karriget e disa njerëzve, unë mendoj shqiptarëve t'u japim atë që meritojnë, punë dhe taksa të ulëta, kjo është më e rëndësishme se karrigia e disa kryetarëve të bashkive dhe ish-deputetëve.

Kemi 13 Tetorin një datë të re zgjedhjesh dhe nuk kemi parë asnjë ankimim nga PS-ja as në gjykatat e PS-së as në kushtetuese. Unë mendoj ka shumë ngjarje të tjera që do të jenë shumë më të mira për shqiptarët, që kërkojnë bukë. Nuk diskutojmë çështjet e zyrave. Kryebashkiakët janë legjitime deri kur të bëhen zgjedhjet e 13 tetorit" deklaroi Monika Kryemadhi.