POP 5

Lajmet më të lexuara të 5 minutave të fundit

Sociale

‘Rilindasit modern’, Lefteri Metkaj, mësuesja që u mëson gjuhën mëmë shqiptarëve në Athinë: Misioni është realizuar pjesërisht

Prej 21 vitesh Lefteri Metkaj u mëson Gjuhën Shqipe fëmijëve shqiptarë në Athinë. Mësuesja me një eksperiencë të gjatë brenda e jashtë vendit ka rrëfyer misionin e vështirë të përhapjes së Shqipes në shtetin helen.

VLORË- Mësuesja nga Vlora, Lefteri Metkaj prej 21 vitesh jeton dhe punon në kryeqytetin helen, aty ku lindi shkëndija e parë për çeljen e shkollës shqipe. Një certifikatë mirënjohje nga Qarku i Vlorës e risolli në vendlindje, ku mundëm t’i merrnim një intervistë.

"Kam qenë mësuese 16 vite këtu në Vlorë kam punuar në 4 shkolla", tregon ajo.

Metkaj thotë se punon vullnetare në mësimdhënien e shqipes për komunitetin shqiptar në Athinë, ku mësojmë 64 fëmijë dhe të rinj.

" Në bashkëpunim me ambasadën shqiptare në Athinë me komunitetin shqiptar dhe pushtetin lokal grek kemi bërë të mundur hapjen e  3 pikave shkollore në Athinë ku mësojnë 64 nxënës të moshës nga 7 vjeç dhe deri të rriturit, studentë deri në 26 vjeç", u shpreh Metkaj.

Janë 34 mësues që japin lëndën e gjuhës shqipe në gjitha qytetet greke, ndërsa Lefteri Metkaj tregon për vështirësitë me të cilat ka hasur ajo dhe kolegët për përhapjen e Shqipes.

"Ka qenë punë vullnetare nga mësuesit e Gjuhës Shqipe që mund të quhen rilindasit modern të kohës. Misioni është realizuar pjesërisht, nuk mund të themi se të gjithë marrin pjesë sepse është e vështirë në shtetin grek ku gjithmonë ka qenë në konflikt me gjuhën shqipe, e dimë sa është luftuar gjuha jonë. Të punosh me prindërit që të sjellin fëmijët në shkollë shqipe është e vështirë", tha mësuesj,a

Iniciatore e çeljes së tre shkollave të gjuhës shqipe në Athinë, Metkaj nderohet në Vlorë me motivacionin: "Për punë të shquar në arsimin kombëtar për afër 4 dekada, brenda dhe jashtë Atdheut".

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 27/03/2022 23:02

    /REAL/,per te mos harruar kush eshte e nga vjen.

    Përgjigju
  • Real: 27/03/2022 18:22

    Per cfare e do shkollen shqipe ne emigracion shqiptari nuk e kuptoj...qendro ne Shqiperi po te jete

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58