POP 5

Lajmet më të lexuara të 5 minutave të fundit

Sociale

Pesë vite pas tërmetit, e moshuara mbetet rrugëve: Kryeministri dhe kryebashkiakja të më bëjnë shtëpinë ose ngujohem në Bashkinë e Kurbinit!

Në Kurbin procesi i rindërtimit është ndërprerë prej dy vitesh, ndërsa disa familje kanë mbetur ende pa strehë. Mes tyre është Kristina Marku e cila jeton në gjendje të vështirë ekonomike. 65- vjeçarja thotë se Bashkia jo vetëm nuk i ka ndërtuar shtëpinë e re, por i ka hequr dhe bonusin e qirasë. Ndërsa zyrtarët vendore thanë se Qeveria nuk ka miratuar fondet për banesat individuale.

Kristina Marku nga fshati Sanxhak i Kurbinit prej 5 vitesh është e pastrehë. Gruaja e ve jeton vetëm me të birin, pasi i shoqi eshte ndarë nga jeta disa vite me pare. Banesa e tyre u shemb nga lëkundjet e forta sizmike të 26-nëntorit të vitit 2019. Ajo tregon për Report tv se ka marrë një apartament me qira në qytetin e Lezhës, por nuk e përballon dot koston e lartë.

“Unë dua të më bëjnë shtëpinë, më në rrugë nuk rri! Të bëjë ç'të dojë Kryetarja e Bashkisë Kurbin, Majlinda Cara dhe Kryeministri Rama. Jetoj me pension, 10 mijë lek në muaj. Më kanë vendosur gjobë për sahatin e ujit të pijshëm. Unë i përgjigjem shtetit, paguaj gjoba, por shteti më ka kthyer shpinën”, u shpreh ajo.

 

Gjendja e saj ekomonike është rënduar më shumë gjatë dy viteve të fundit, pasi Bashkia e Kurbinit i hoqi bonusin e qirasë. 65-vjecarja endet dyerve të Bashkisë së Kurbinit duke kërkuar ndërtimin e shtëpisë së re në fshatin Sanxhak, por institucioni vendor nuk i ka dhënë asnjë zgjidhje.

“Dokumentet i kam bërë të gjitha i kam dorëzuar tek kryetarja e bashkisë, Majlinda Cara. Ajo thotë  s’ka fonde, nuk i jep Qeveria. Unë dua shtëpinë ose do shkoj të ulem këmbëkryq, do ngujohem në bashki”, tha më tej Kristina Marku, për mikrofonin e Report tv.

 

Burime nga Bashkia Kurbin bëjne me dije se proçesi i rindërtimit për banesat individuale ka stopuar për shkak të rritjes se kostos së ndërtimit. Zyrtarët lokal thanë se kanë kërkuar shtesë fondesh nga Qeveria por nuk është miratuar.

R.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 26/07/2024 00:31

    Nuk te ndihmojme dot! Satelitet,TEC lundruese,/Giro d'Italia/ qe te filloje nga Shqiperia,stadiumet kane prioritet para shtepise tende.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Economic Times': Shqipëria mes vendeve ideale evropiane për të vizituar në 2025

'Economic Times': Shqipëria mes vendeve ideale evropiane për të vizituar në 2025

24 Nëntor, 07:20