Konviktet e studentëve të Universitetit të Mjekësisë do të jenë gati në vitin e ri akademik, me kushte më të mira dhe të njëjtën cilësi si godinat rezidenciale studentore të Inxhinierisë. Kreu i Bashkisë së Tiranës, Erion Veliaj, dhe deputeti i PS, Ervin Bushati, viztuan kantierin e dy godinave studentore të vendosura fare pranë Universitetit dhe Qendrës Spitalore Universitare në Tiranë, të cilat do të jenë dyfish më të mëdha se godinat e mëparshme.
“Në këto ditë të vështira prej pandemisë, kuptuam sa nevojë kemi për mjekë të mirë. Por, nuk e di a mund të kemi mjekë të mirë, nëse ata rriten në kushte spartane. Sot dyfishojmë këtë konvikt, që është konvikti i parë nga dy konvikte binjake, por secili prej tyre është dy herë më i madh. Kështu, shmangim të gjitha sakrificat e studentëve. Sigurisht, nuk i themi “student i shkëlqyer” dikujt që ka mbaruar me të gjitha 5-sa, por atij që ka mbaruar me 10-ta dhe mbi të gjitha është trajtuar me 10-ta, pra me të gjitha kushtet për t’i mundësuar suksesin”, u shpreh Veliaj.
Ai shtoi se për të gjithë ata që flasin sot për rininë dhe thonë t’i kthejmë gjërat siç ishin, ky është shembulli se si nuk duhet të harrojmë gjendjen në të cilën i gjetëm.
“Gjërat siç ishin, ishin skandal. Po ta kthejmë këtë konvikt siç ishte, do të thotë të kthejmë ata që zaptuan, që legalizuan dhe hipotekuan në pronë shtet, duke marrë kate të tëra”, kujtoi ai.
Veliaj u shpreh se për sistemimin dinjitoz të studentëve janë hapur shumë kantiere pune.
“Jemi duke punuar në disa kantiere. Puna nuk ndalet as me gjoba, as nga ata që kompleksohen nga puna. Vetëm po pashë tramin do kuptoj që dikush bëri një punë dhe ka të drejtën t’u thotë të tjerëve “mos punoni!” Por, dikush që s’ka bërë asnjë punë, nuk mund t’i thotë dikujt të ndalojë. Ndaj, nuk do ndalojmë as këtu; as te Universiteti Bujqësor, ku po rindërtojmë 8 godina”, u shpreh Veliaj.
Deputeti i PS, Ervin Bushati tha se rindërtimi jo vetëm po sjell kushte shumë më të mira në Tiranë, por edhe po rigjeneron lagje të tëra.
Komente
Lajme të tjera
-
SPAK çon autorizimin tek Burgjet, vetëm familjarët mund të vizitojnë Veliajn në paraburgimin e Durrësit
17 Shkurt, 16:20 -
Berisha tha se Rama fshiu fotot, Alex Soros tjetër postim me kryeministrin shqiptar! Të qeshur dhe krah për krah
17 Shkurt, 15:47 -
Ikona e teatrit dhe kinemasë, Robert Ndrenika mbështet Veliajn: Në 83 vite jetë, Tirana kurrë nuk ka qenë më mirë
17 Shkurt, 14:52 -
Arrestimi i Veliajt, Ilir Yzeiri në Report Tv: Hetimi nisi me një letër anonime banale! SPAK nuk merret me 21 janarin apo Gërdecin por me blerjet online të gruas së kryebashkiakut
17 Shkurt, 13:49 -
Debate në Kuvend për arrestimin e Veliajt/ Bardhi: Ministri Hoxha të japë dorëheqjen, gënjeu për tubimin para GJKKO! Gjonaj: Lënia e Bashkisë pa kryetar në prag të zgjedhjeve, e padrejtë
17 Shkurt, 12:39 -
Nën hetim nga SPAK, reagon bashkëshortja e Veliajt, Ajola Xoxa: Nuk kam lidhje me kukulla me fustane dhe bizhuteri prej 800 mijë eurosh, në 10 vjet kam shpenzuar vetëm 75.025 euro!
17 Shkurt, 12:17 -
'Do të shkrij SPAK?' Rama mesazh Berishës: Noc Rrokun! Apel shqiptarëve: Mos i jepni votën! 2 ministrat e mi të dënuar, pasqyrë e vullnetit të hekurt politik për të mos penguar drejtësinë
17 Shkurt, 11:20 -
I vuri ‘ultimatum’ Ramës, vetë shkoi me militantë e kërcënoi SPAK! Berisha: Do ta shkrijmë pas 11 majit! Prokurorët do burgosen! Protestat e mia demokratike, të Veliajt 'grusht shteti'
17 Shkurt, 10:01 -
Sekuestrimi prej SPAK i celularit të Ajola Xoxes në dhjetor, shtyhet për 20 shkurtin seanca e ankimit në GJKKO! Çështja shqyrtohet nga gjyqtari Erion Bani që la në fuqi arrestin për Veliajn
17 Shkurt, 09:31 -
'Arresti me burg ndaj Veliajt i tepruar', çudit ish-Sekretari i Përgjithshëm i PD
17 Shkurt, 07:07 -
I vuri ‘ultimatum’ e kërcënoi Edi Ramën që të mos mblidhen para SPAK, vetë mobilizoi militantët e shkoi me ta në Prokurorinë e Posaçme
16 Shkurt, 16:58 -
Në akuzë për korrupsion e pastrim parash, Veliaj ankimon në Apelin e Posaçëm masën arrest me burg
16 Shkurt, 12:31
