TIRANE- Ka mbërritur urgjentisht në komisionet parlamentare Akti Normativ i miratuar të mërkurën nga Këshilli i Ministrave, me të cilin ndryshojnë parametrat e Buxhetit të Shtetit për vitin në vazhdim. Ky Akt duhet të ratifikohet nga Kuvendi brenda 45 ditëve, por do të ketë gjatë kësaj kohe vazhdimisht fuqi ligjore.

Sipas relacionit, zhvillimet aktuale makroekonomike gjatë gjysmës së parë të vitit 2014, bazuar në treguesit e disponueshëm, duket se janë në linjë me parashikimet fillestare për ecurinë gjatë vitit 2014. Pritet që rritja e Prodhimit të Brendshëm Bruto (PBB-së) për vitin 2014 të jetë rreth 2.1 përqind.