POP 5

Lajmet më të lexuara të 5 minutave të fundit

Sociale

Drejt Punës

Risi Albania/ Në 8 vite 3000 vende pune nga projekti zvicerian! Ministrja e Turizmit e ambasadori zviceran: Sfidë punësimi i të rinjve

Projekti zvicerian Risi Albania bëri bashkë në një tryezë diskutimi për punësimin një sërë institucionesh. E pranishme në këtë takim ishte edhe ministrja Kumbaro, e cila tha se turizmi është një shanc i mirë për të rritur punësimin

Punësimi, si një nga sfidat kryesore të shoqërisë shqiptare bëri bashkë në një tryezë diskutimi përfaqësuesit e insitucioneve shtetërore e private në vendin tonë.

Në takimin e organizuar nga Projekti Zviceran për Punësimin e të Rinjve,  RisiAlbania ambasadori i Zvicrës në vendin tonë, Adrian Maître tha se suksesi për të zgjidhur këtë problematikë të shoqërisë është bashkëpunimi i ngushtë mes shtetit dhe sektorit privat.

'Teksa Shqipëria përgatitet për tregun europiqn, vendosja e standardeve është moment kyç. Standardet ndërkombëtare jane kyçe për turizmin, përfshirë pastërtinë e mjedisit, standardet janë kyçe për të mbajtur vizitorët. Mungesa e punonjësve të kualifikuar është sfidë. Nëse ka një element që garanton sukses është koordinimi i mirë mes faktorit të shtetit dhe sektorit privat'- tha Adrian Maître Ambasador i Zvicrës në Shqipëri.

Pjesëmarrëse në këtë takim, edhe ministrja e Mjedisit dhe Turizmit Mirela Kumbaro, tha se  turizmi është një mënyrë e mirë për të rritur punësimin, ndërsa njoftoi zgjerimin nga 18 në 23% të zonave të mbrojtura, përfshirë edhe Luginën e Vjosës.

RisiAlbania është një projekt i Agjencisë Zvicerane për Zhvillim dhe Bashkëpunim që punon për të krijuar më shumë mundësi punësimi dhe mundësi sa më të mira duke u fokusuar në 3 drejtime kryesore: zhvillimi i sektorit privat në Shqipëri, prezantimi dhe përmirësimi i shërbimeve të orientimit në karrierë dhe ndërmjetësimit, si dhe zhvillimin e aftësive në përputhje me tregun, për të përmbushur kërkesat e bizneseve, ndërsa prej 8 vitesh operim në Shqipëri ka arritur të krijojë krijojnë mbi 3000 vende pune me kohë të plotë për të rinjtë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Lamtumira për Kryepeshkopin, mban fjalim edhe mbesa e Anastasit! Ceremonia drejtohet nga Patriarku Bartolomeu

Lamtumira për Kryepeshkopin, mban fjalim edhe mbesa e Anastasit! Ceremonia drejtohet nga Patriarku Bartolomeu

30 Janar, 09:29