POP 5

Lajmet më të lexuara të 5 minutave të fundit

Politikë

Rithemelimi denoncon drejtorin në Ministrinë e Infrastrukturës: Ka fituar statusin e koncesionarit në konflikt interesi

Rithemelimi ka denoncuar ditën e sotme se Mehmet Hasalami, drejtori i Drejtorisë së Programeve të Zhvillimit në Miniera dhe Industri, në Ministrinë e Infrastrukturës dhe Energjisë, se po përdor pozitën e tij për të përfituar në kompaninë e tij Instituti Dekliada Alb shpk.

TIRANË- Rithemelimi ka denoncuar ditën e sotme se Mehmet Hasalami, drejtori i Drejtorisë së Programeve të Zhvillimit në Miniera dhe Industri, në Ministrinë e Infrastrukturës dhe Energjisë, se po përdor pozitën e tij për të përfituar në kompaninë e tij Instituti Dekliada Alb shpk.

Në një deklaratë për mediat, zëdhënësja e anti-korrupsionit të Rithemelimit, Genta Vangjeli thotë se Mehmet Hasalami ka përfituar 29 kontratave publike për tendera, ka arritur të fitojë statusin e koncesionarit, për të paktën 2 koncesione, njëri prej të cilit ka si Autoritet Kontraktues vetë Ministrinë e Infrastrukturës dhe Energjisë.

Deklarata e plotë për mediat

Një drejtor i lartë në administratën kleptokrate të Edi Ramës, merr rrogën që i paguhet nga takspaguesit dhe sikur shqiptaret t’ja kishin borxh, fut në xhep edhe 4 miliard lekë nga kontratat me kompaninë e tij private dhe disa miliona euro nga koncensionet.

Mehmet Hasalami quhet drejtori, dhe ai është në krye të Drejtorisë së Programeve të Zhvillimit në Miniera dhe Industri, në Ministrinë e Infrastrukturës dhe Energjisë. Në vitin 2009 ai ka qenë kandidat për deputet i Partisë Socialiste në qarkun e Tiranës.
Me sa kuptohet, Hasalami e përdor ndikimin dhe firmën si drejtor për të zgjeruar portofolin e kompanisë së tij private dhe majmur llogarinë bankare.
Ai rezulton pronar, me 100 përqind të kapitalit, i Instituti Dekliada Alb shpk, në periudhën 2019 – 2023 gjatë së cilës ka përfituar 4.6 miliard lekë të vjetra nga institucione shtetërore
Ndër to:
Bashkitë Tiranë, Gramsh, Ballsh, Kamëz, Vlorë, Sarandë, Koplik, Shkodër, Mat.
Bordi i Kullimit Durrës, Fier;
Ujësjellës Kanalizime Tiranë, Durrës, Elbasan;
Drejtoria e Pergjithshme e Policise se Shtetit; Drejtoria Vendore e Policise Elbasan
Agjensia e Mjedisit dhe Pyjeve,
Ministria e Bujqesisë dhe Zhvillimit Rural; Ministria e Turizmit, Kultures, Rinise dhe Sporteve
Universiteti Politeknik; Agjensia e Parqeve dhe Rekreacionit.

Kompania e Hasalami, Drejtor në MIE, rezulton projektuese dhe /apo hartuese raportesh përvlerësim paraprak apo të thelluar të ndikimit në mjedis të të paktën këtyre 18 projekte infrastrukturore që lidhen me energjinë:

  1. (HEC KOZHNJË 1, KOZHNJË 2, TAMARA)
  2. HEC ARSTI
    3.HEC-it ORESHKE
  3. Studimi i fizibilitetit për ndërtimin e një hidrocentrali të ri në Lanabregas
  4. HEC “VERNIK 1,2,3,4”
  5. Vlerësimi i Ndikimit në Mjedis hartuar për HEC MADHESH
  6. HEC Rapun 3 dhe Rapun 4
  7. Hece Kalivarë 1,2,3,4
  8. HEC Bushtrica 3
  9. HEC KEBELA
  10. HEC TARONINA
  11. HEC MIRAKA 2016
  12. HEC KAÇINAR 2015
  13. HEC Kryezi 3,4,5
  14. HEC KALIS
  15. HEC MESMAL 1,2,3 dhe SELCE 2
  16. Ndërtim me koncesion HEC DOMJE, Kolesjan dhe Lajthi
  17. Ndërtim me koncesion HEC LASHKIZË 1 & 2.

E njëjta kompani e Hasalamit rezulton koncesionar në të paktën këto 2 koncesione:
1-Ndërtimi i hidrocentraleve Borje, Oreshkë, Cernalevë, Cernalevë 1

Kjo kontratë e prillit 2009 është lidhur ndërmjet Ministrisë së Ekonomisë, Tregtisë dhe Energjitikës dhe Koncesionarit përbërë nga (shoqëritë Hydroalbania shpk, LRL sha, Ferati shpk dhe Euro – Alba – EA shpk).
Kohëzgjatja e koncesionit është 35 vjet. Totali i investimeve është 830’097’322 ALL, nga të cilat 510’760’000 ALL do të investohen në makineri dhe pajisje.
Në datën 24 Mars 2015 Instituti Dekliada Alb shpk me pronar Mehmet Hasalamin Drejtorin e MIE, bëhet pjesë e kapitalit të shoqërisë koncesionare Hydroalbania shpk.

2.Koncesioni për Ndërtim/operim të hidrocentralit Veleshicë me vlerë 8.2 milion euro dhe afat 35 vjet.
Koncesionari është kompania Kalisi Hydropoëer me pronarë Hamz Islamaj dhe Devis Mehmet Hasalami, i biri i Drejtorit të MIE dhe ortak zyrtar i këtij të fundit në kompaninë tjetër (Instituti Dekliada – Alb shpk, ku Devis është administrator ndërsa Mehmeti pronar).

Mehmet Hasalami, mbajtës i detyrës publike si Drejtor pranë MIE, përveç të paktën 29 kontratave publike për tendera, si hartues projektesh e VNM, që lidhen pikërisht me energjinë si term kyç në veprimtarinë kontrolluese nga MIE, tashmë ka arritur të fitojë statusin e koncesionarit, për të paktën 2 koncesione, njëri prej të cilit ka si Autoritet Kontraktues vetë Ministrinë e Infrastrukturës dhe Energjisë, në kushte të pastra të konfliktit të interesit. Sigurisht, me bekimin e ish ministrit të energjisë

Hasalami është vetëm drejtori i radhës në konflikt interesi dhe në shkelje të ligjit. Hasalami është vetëm patronazhisti i radhës i graduar drejtor që fiton para publike.
Arka e shtetit nuk është diçka imagjinare. Ajo është thesi ku fut dorën qeveria pasi i ka marrë çdo shqiptari taksë pas takse.
Kur Hasalami fut dorën në thes, ai është duke përfituar në kurrizni tuaj.
Ju punoni, ata vjedhin!

SI.E./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51