Rithemelimi kaos në Kuvend, Çuçi: Ne do vazhdojmë miratimin e ligjeve, deputetët po i shërbejnë Berishës! Me forcë s’i fusim dot në Komisione

 

Kreu i Grupit të PS, Bledi Çuçi në një deklaratë për mediat, pas kaosit të Rithemelimit në Kuvend thotë se PS do vazhdojë të qeverisë dhe miratojë ligjet. Sa i takon mungesës së opozitës nëpër komisione, Çuçi tha se nuk do t’i marrin me forcë që të jenë të pranishëm. Çuçi tha se gjithçka po e bëjnë vetëm për t’i shërbyer Berishës, i cili është vënë në hetim nga SPAK për aferën e Partizanit.

"Tymueset dhe barrikadat janë skenar i opozitës. Do vazhdojmë të miratojmë ligje, të qeverisim. Debati parlamentar nuk është vetëm seancë planer është edhe më i gjerë në komisione. Po opozitë? Me forcë nuk i marrim t’i fusim në komisione. Skenari ynë është të miratojmë ligjet. Nuk i ndezim ne flakadanët, nuk e bllokojmë ne foltoren, nuk heqim ne me dhunë. Për të penguar punën për arsye që nuk lidhen me parlamentin, por lidhet vetëm me një njeri që është në SPAK. Kjo është çështje e opozitës, jo e jona", tha Çuçi.

LEXO EDHE:
Një muaj pasi u zgjodh nga Kuvendi, Ndriçim Xhepa jep dorëheqjen si anëtar i Këshillit Drejtues të RTSH

Lajmi kryesor:

Rithemelimi përsërit kaosin në Kuvend! Ndezin tymuese, karriget pirg në foltore! PS mes tymit rrëzon me votë 6 pr/ligjet e opozitës (VIDEO)

SI.E./r.k./Shqiptarja.com

TAG:
• Rithemelimi kaos ne kuvend
• Kuvendi i Shqiperise