Rithemelimi-presidentit: kthe ligjin për zonat e mbrojtura: Nëse Begaj nuk e kthen, bëhet palë me një ligj klientelist

Rithemelimi i kërkon Presidentit të Republikës të kthejë ligjin për zonat e mbrojtura në Kuvend, si një ligj klientelist që do të shkaktojë masakra mjedisore.

Deputetja Ina Zhupa tha se nëse ligji nuk kthehet, atëherë kreu i shtetit bëhet palë kundër interesit publik.

Që në ditët e para kur sapo u depozitua nisma e 12 deputetëve “ Për Zonat e Mbrojtura” kemi denoncuar që do ishte një masakër mjedisore, në dëm të interesit publik dhe shkatërruese për këto zona. Me miratimin e draftit final, është e qartë se çdo cep, çdo sipërfaqe e zonave të mbrojturave mund të shndërrohet në beton, në resort, në kasino, në biznese për oligarkët, mjafton të jesh klient i pushtetit dhe të jap miratimin Rama.

LEXO EDHE:
Data për zgjedhjet 2025/ PD refuzon ftesën e Presidentit: Konsultime farsë! PL: S’pranojmë datën e caktuar nga Balla! Basha: Rëndësi ka standardi (VIDEO)

Ky ligj është kundështuar ashpër nga ekspertët mjedisor, nga ambjentaliste, organizata të shoqërisë civile sepse është rrënimi i mbrojtjes që duhet kishin këto zona, ku betonizimi duhet ishte fjala e ndaluar dhe jo qëllim në vetvete sic eshte tani.

Sot zyrtarisht në emër të Partisë Demokratike, i drejtohem Presidentit të Republikës Bajram Begaj që të respektoj pozicionin e tij kushtetues dhe të kthej ligjin në kuvend. Presidenti nuk mund të zgjedhi të hesht dhe të fshihet kesaj rradhe, sepse duke mos e kthyer në kuvend do bëhet palë me një ligj klientelist, kundra interesit publik, kundra kushtetutës dhe kundra standarteve të Bashkimit Europian.

Delegacioni i Bashkimit Europian kërkoi qe te merren ne konsiderate shqetesimet e shoqerise civile dhe te rihapet procesi i konsultimit. Ai kerkoi qe ne kuader te procesit te integrimit qeveria duhet t’i kushtoje vemendjen e duhur direktivave te BE per mjedisin. Presidenti i Shqipërisë ka mundësinë që me kthimin e ligjit, të kërkoj konsultim publik, konsultim me ekspertët e Bashkimit Europian, respektimin e Marrëveshjes së Stabilizim Asocimit, respektimin e konventave që ka ratifikuar Shqiperia dhe respektimin e Kushtetutës.

Ky është një ligj që zhduk zonat e mbrojtura dhe i lë ato si koncept vetëm në letër, është një ligj që përfitojnë vetëm oligarkët dhe shkatërrohet trashëgimia natyrore, flora, fauna, ekosistemi i vendeve më të begata dhe më të bukura të Shqipërisë.

Zhupa paralajmëron se nëse presidenti nuk kthen ligjin do e ankimojnë në Gjykatë Kushtetuese. 

"Beteja jonë kundra këtij ligji shkatërrimtar do vazhdoj në Gjykatën Kushtetuese, nëse presidenti nuk kryen detyrën e tij,. Por është në dinjitetin e institucionit të Presidentit që të jetë palë me Kushtetutën dhe jo me pushtetin që nuk argumenton dot një arsye ligjore apo të interesit publik pse duhen shkatërruar zonat e mbrojtura.

Është në nderin e Presidentit që mos kthej ligje vetëm kur prekin pozicionin e tij, si ligji i dekoratoave dhe të hesht kur preken studentët, kur preket shkenca dhe akademia, kur preket e drejta për të hetuar keq-qeverisjen dhe vjedhjet, kur preket territori i Shqiperisë.

Heshtja është bashkë fajësi. Ju duhet të shpreheni duke e kthyer këtë ligj sepse ështe në rrezik e ardhmja e Shqipërisë

S.G//Shqiptarja.com

TAG:
• Bajram Begaj
• Ina Zhupa
• zonat e mbrojtura