Luciano Spalletti, trajneri i kombëtares së Italisë në futboll pranoi se skuadra që drejton nuk është ende gati për t'u përballur me kombëtaret e mëdha. Në një bisedë për "Corriere della Sera", ai tha se ka vend për përmirësim dhe mësimin e lojës mes futbollistëve.
"Duhet ta veshësh fanellën me krenari dhe bindje, me dinjitet. Në kombëtaren tonë të gjithë duhet të jenë në të njëjtin nivel, që askush të mos ndihet i plotfuqishëm. Le t’ia fillojmë të gjithë nga disfatat e kaluara, janë ato që na forcojnë", tha fillimisht trajneri.
Më pas Spalletti bëri një krahasim me rivalët në Evropë dhe botë.
![](https://shqiptarja.com/template/img/NO_ALFA_Kuadrate shqiptarja.png)
“Duhet të rivalizojmë, por po punojmë ende për këtë. Ajo që kemi treguar deri tani nuk është e mjaftueshme. Ne kemi cilësi teknike dhe njerëzore, por le të jemi të qartë, kaq nuk mjafton në elitën e futbollit europian", vioi ai.
Kujtojmë se Italia është rivale me Shqipërinë në Grupin B të Euro 2024 që do zhvillohet nga 14 qershori - 14 korrik në Gjermani. Veç tyre, në këtë grup janë edhe Spanja dhe Kroacia.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)