POP 5

Lajmet më të lexuara të 5 minutave të fundit

Sport

Rivalet s’i llogariti, Redia, kampionia 16-vjeçare në 3000 metra në Ballkan: Dua medaljen edhe në Europian!

Edhe pse 16 vjeç, atletja shqiptare Redia Dauti, mori medaljen e artë në garën e 3000 metrave me pengesa në kampionatin ballkanik të Stambollit. Për Report TV ajo tregon se është shumë e lumtur dhe këtë arritje ia dedikon trajnerit.

Redia është vetëm 16 vjeç dhe sot kishte ditën e parë të shkollës, por mungoi sepse ishte e zënë për të bërë krenar shqiptarët. Atletja sapo është khtyer nga Stambolli, atje ku fitoi medaljen e artë në garën e 3000 metrave me pengesa në kampionatin ballkanik për 20-vjeçarët. Për Report TV ajo tregon se si i mposhti rivalet më të mëdhaja në moshë dhe emocionet për këtë arritje.

Redia Dauti: “Për mua ishte hera e parë që merja pjesë jashtë në një garë të tillë. Isha shumë e emocionuar dhe shumë e lumtur pasi falë punës së trajnerit dhe punës së time bëmë një garë të mrekullueshme dhe morëm një rezultat shumë të mirë.”

Taulant Stermasi, trajneri i Redias: “Rezultati është I një niveli shumë të lartë, aktualisht rezultati më i mirë në Europë dhe botë, për moshën e saj, datëlindja 2004. Garoi me datëlindjen 2001. Nuk ishte as e barabartë me to se sportisja e dytë mas Redias ishte 9 sekonda pas.”

E pyetur se kush e uroi i pari për këtë fitore Redia përgjigjet:

“Sigurisht që trajneri se me atë isha aty. Pastaj gjithsecili në rrjetet sociale, instagram, whatsapp.”

16-vjeçarja që stërvitet prej 4 vitesh jo më kot e ka zgjedhur këtë sport. Ajo është kushërira e sportistes së njohur Luiza Gega dhe kur pyetet se kë ka idhull përgjigjja ishte e pritshme.

“Idhulli im është Luiza Gega dhe sigurisht që dua të ndjek hapat e saj,”-deklaron Redia

Redia duket qartë se nuk është një vajzë që kënaqet me kaq.

“Gara ime e ardhshme është kampionati Europian që zhvillohet në verë. Shpresoj që edhe atje të marr medalje. Me shumë mundësi të kap tre vendet e para,”-thotë ajo.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • alo alo: 15/09/2020 10:39

    Falemnderit qe ngre emrin e Shqiperise lart. Suksese te metejshme!

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59