Receta

Rizoto me djathë gorgonzola dhe finok nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 28 Prill 2023, 11:44 | Përditesimi: 28 Prill 2023, 11:46

Rizoto me finok dhe djathë gorgonzola

Përbërësit:

300 gr oriz
25 gr gjalpë
2 qepujka të grira
80 gr djathë gorgonzola
30 ml qumësht
1/2 gotë verë e bardhë e thatë
300 gr finok
1 thelpi hudhër
Vaj ulliri ekstra i virgjër
Rigon i freskët
Kripë, piper

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Për të përgatitur rizoton me finok dhe gorgonzola, largojmë fillimisht gjethet e jashtme nga finoku duke mbajtur vetëm kërcellin të cilin e grijmë me një rende dhe e vendosim në ujë të acidifikuar të ftohtë.

Ndërkohë ngrohim qumështin në një tenxhere, shtojmë djathin gorgonzola dhe e lemë të shkrijë. Në një tigan kaurdisim qepujkën e grirë dhe një thelpi hudhër me pak vaj dhe gjalpë, shtojmë orizin dhe vazhdojmë kaurdisjen. Me pas e shuajmë me pak verë të bardhë. E lemë alkoolin të avullojë dhe vazhdojmë zierjen e orizit duke e holluar herë pas here me ujë të nxehtë dhe kur të jetë gati shtojmë kremin gorgonzola.

E lemë rizoton të pushojë mbuluar me kapak për disa minuta, shtojmë piper, finokun e grirë dhe rigon.

MC/Shqiptarja.com

TAG: