X

POP 5

Lajmet më të lexuara të 5 minutave të fundit

Politikë

Lajme nga emisionet

Roland Bejko në Report Tv: Me Berishën në krye PD nuk vjen në pushtet! Ilir Meta e riktheu sërish në lojën politike

Me një kryetar të shpallur ‘non grata’ nga Shtetet e Bashkuara të Amerikës, Partia Demokratike nuk do të vinte dot në pushtet. Ish-anëtari i Kryesisë Roland Bejko tha se nëse Sali Berisha vihet në krye të partisë pushteti ëshët shumë larg.

TIRANË- Me një kryetar të shpallur ‘non grata’ nga Shtetet e Bashkuara të Amerikës, Partia Demokratike nuk do të vinte dot në pushtet. Ish-anëtari i Kryesisë Roland Bejko tha se nëse Sali Berisha vihet në krye të partisë pushteti ëshët shumë larg.

“Pushteti është shumë më larg me Berishën, me Bashën pushteti qe më i afërt, pavarësisht se ka problem shumë është apatik dhe nuk i çon të gjitha deri në fund, kishte probleme me komunikimin me bashkëpunëtorët e vet, krijoi kundërshtarë, je i destinuar të rrëzohesh. U mblodhën me njëri-tjetrin krijuan Foltoren dhe e rrëzuan Bashën”, tha Bejko.

Në ‘Studio Live’ me gazetarët Arbër Hitaj dhe Migena Sotiri, Bejko tha se Sali Berisha u rikthye në lojën politike nga mbështetja që i dha Ilir Meta. Ai thekson se koalicioni me LSI-në në zgjedhjet e 6 marsit, ishte asi nën mëngë i Ilir Metës, për ta rikthyer Berishën në lojë.

“I thotë Bashës që është deputet, e ka bërë me fatos Nanon, kjo ishte loja kështu e ka politika e ka bërë me ilir metën, që i ka thënë kë vjedhur florinj shqiptare, e ka akuzuar për tregti droge, për një vrasje në Tropojë dhe në fund janë përqafuar. Meta e futi prapë në lojë Berishën. Pjesë e lojës për ta kthyer në krye, për ti dhënë një as tjetër, e nxori asin nën mëngë. I hodhi një kamerdare shpëtimi, jo vetëm që e shpëtoi, por ndryshoi edhe fatin  e politikës shqiptare”, u shpreh Bejko në Report Tv.

Dorëheqja e Lulzim Bashës, sipas Bejkos nuk ka ardhur si pasojë e disfatës që ai pësoi më 6 mars, por për shkak të konflikteve që lindën brenda Partisë Demokratike, ku edhe më të besuarit e tij i dolën kundër.

“Dorëheqja erdhi si përfundimi i një cikli konfliktesh brenda PD-së më shumë sesa prej rezultatit më 6 mars. PD është në një gjendje lock down politik për shkak të sherrit të brendshëm.(...) Basha me paaftësinë për të menaxhuar situatën i krijoi të gjitha hapësirat Berishës që të merrte partinë”, vijoi ai.

Lulzim Basha dha dorëheqjen si kryetar i PD-së, pas 9 vitesh si drejtues i kësaj partie. Vendimi i Bashës për dorëheqjen erdhi pas humbjes së thellë të PD në zgjedhjet e pjesshme lokale të 6 marsit, ku jo vetëm nuk fitoi asnjëra nga 6 bashkitë, por u rendit edhe forcë e tretë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Me flamur në dorë, Tedi Blushi i PL-së tenton të kalojë mbi policinë për t’u futur në bashki

Me flamur në dorë, Tedi Blushi i PL-së tenton të kalojë mbi policinë për t’u futur në bashki

26 Prill, 12:30