POP 5

Lajmet më të lexuara të 5 minutave të fundit

Romët si dallëndyshet, artisti Sead Kazanxhiu ndërton ‘foletë’ në Kassel të Gjermanisë për Documenta 15-të

Artisti bashkëkohor shqiptar Sead Kazanxhiu merr pjesë në edicionin e 15-të të Documenta-s, në ekspozitën kolektive për pakicën rome ku ai bën pjesë, “Një ditë do të festojmë përsëri”. Koncepti e instalacioni i tij me foletë simbolike, është shpalosur vite më parë në fasadën e Muzeut Historik.

Kjo është një foto e vitit 2018. Artisti bashkëkohor shqiptar Sead Kazanxhiu e ngriti instilacionin “Foletë” në fasadën e Muzeut Historik Kombëtar, si një përpjekje e tij, për të institucionalizuar historinë rome në artin e kulturën vendase.

Prej 18 qershorit ky koncept shpaloset në fasadën e muzeut Friedericianum në Kassel të Gjermanisë, ku mbahet edicioni i 15-të i Documenta-s...  Instalacioni është pjesë e ekspozitës kolektive “Një ditë do të festojmë përsëri”... 

Koncepti i foleve i Kazanxhiut është përdorur nga artisti si metaforë për të nxitur reflektim për mos integrimin e kësaj kulture si pjesë të institucioneve apo të historisë sonë publike. Kështu artisti, po ashtu pjesë e kësaj pakice,  tenton përmes këtyre foleve, si shtesa arkitektonike të krijojë një realitet të ri, ku popullsia rome, njihet dhe është e përfshirë. 
Seadi provon po ashtu, të krijojë ndërveprim dhe pranim mes kulturave e mjedisit të përbashkët, por edhe solidarizim në këtë bashkëjetesë, ku institucionet duhet të japin së pari shembullin e tyre.

Documenta 15-të, do të qëndrojë e hapur deri në 25 shtator dhe  kjo vepër artistike e artistit vjen në vazhdën e një sërë përpjekjesh ku ka shpalosur nevojën për edukim, strehimin, si dhe njohjen e historisë dhe kulturës rome.

© ️ dokumente dhe Muzeu Fridericianum gGmbH, Nicolas Wefers
 

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Samiti BE-Ballkani Perëndimor, Von der Leyen: Do japim akses në kapitalin financiar me kosto të ulët, Shqipëria dhe Mali i Zi bashkohen vitin tjetër në këtë iniciativë

Samiti BE-Ballkani Perëndimor, Von der Leyen: Do japim akses në kapitalin financiar me kosto të ulët, Shqipëria dhe Mali i Zi bashkohen vitin tjetër në këtë iniciativë

18 Dhjetor, 20:31