BRUKSEL - Presidenti i Këshillit të Bashkimit Europian, Herman von Rompuy, nuk di si shqiptohet emri i Presidentes së Kosovës, Atifete Jahjagës.

Në momentet kur Jahjaga dhe Rompuy do të dilnin në konferencë për shtyp në Bruksel, presidenti i Këshillit të Bashkimit Europian ka pyetur presidenten kosovare se si shqiptohet emir i saj.

Në videon e publikuar nga faqja zyrtare e Rompuy, dëgjohet teksa Presidenti i Këshillit të BE-së i pëshpërit në vesh Presidentes së Kosovës: “Si shqiptohet emri juaj?” Por pasi Presidentja thotë emrin e saj, Rompuy e pyet atë për shqiptimin e mbiemrit…

Dhe pas saktësimit të emrit dhe mbiemrit të presidentes kosovare, ka vijuar deklarata për mediat!