Cristiano Ronaldo sipas informacioneve nga mediat italiane do të bëhet futbollisti i parë me 6 ‘Topa të Artë’ në historinë e futbollit. Lojtari i Juventusit që në verën e 2018 u ble për më shumë se 100 mln euro, sipas ‘Corsport’ ka parakaluar Lionel Messi-n dhe Van Dijk për trofeun individual prestigjioz, që jepet më 2 dhjetor nga revista franceze ‘France Football’.
Vetë futbollisti ka konfirmuar pjesmarrjen në ceromoni, diçka të cilën nuk e bëri te FIFA, për të cilën më vonë u tha se i akordoi çmimin e më të mirëve Lionel Messi-t prej inat të Ronaldo-s. Mediat në Itali shkojnë më tej duke thënë se në ditët e fundit një delegacion i revistët franceze ka vizituar Ronaldo-n në Torino dhe pritet që të ketë edhe një darkë me Fabio Paratici-n, drejtorin sportiv të Juventusit.
Deri më tani favorit për Topin e Artë ishte mbrojtësi i Liverpool Virgil Van Dijk, por faktet tregojnë se kursi ka ndryshuar. Gjatë sezonit të fundit Cristiano Ronaldo ka fituar jo pak, duke filluar nga Seria A, Superkupën e Italisë, por edhe Ligën e Kombëve me Portugalinë.
Viti i fundit që Ronaldo ka fituar këtë çmim ishte në 2017 dhe në rast se e bën sërish të vetin, diçka e cila duket shumë e mundshme, do të kalojë Lionel Messi-n, i cili aktualisht ka po aq ‘Topa të Artë’ sa argjentinasi, 5.