Receta

Rosto viçi në tenxhere nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 22 Dhjetor 2022, 11:01 | Përditesimi: 22 Dhjetor 2022, 11:02

Rosto viçi në tenxhere

Përbërësit:

1 kg mish viçi tul
2 karrota
1 qepë
6 thelpinj hudhër
2 gjethe dafine
500-700 ml verë të kuqe
1 fç salcë domate
1 degë rozmarinë
Erëza të ndryshme
Kripë, piper

Përgatitja:

LEXO EDHE:
Pulë me oriz në furrë nga zonja Albana

Marrim mishin e marinojmë, hapim disa vrimëza dhe i mbushim me erëza dhe hudhra. E vendosim tulin e mishit të kaurdiset në një tenxhere me vaj ulliri. Sapo mishi të marrë ngjyrë nga të gjitha anët shtojmë qepën, karrotat, hudhrën të prerë imët dhe gjethet e dafinës. Vazhdojmë kaursisjen për pak minuta dhe më pas e shuajmë mishin me verë të kuqe. Sapo të avullojë alkooli shtojmë salcën e domates dhe e lemë mishin të ziejë mirë. Në fund rregullojmë shijen me kripë e piper, largojmë dafinën dhe mishin dhe me anën e blenderit krijojmë një salcë homogjene.