TIRANË - Prishja e rrjetit kompjuterik në doganat greke të Kakavijës dhe Kashticë, ka sjellë rradhë të gjatë në kalimin e qytetarëve. Në doganën e Kapshticës, janë krijuar rradhë të gjata ndërsa mësohet se, puna nga pala greke është duke u zhvilluar me ritme të ngadalta.
 
Drejtori i Kufirit, Ylber Zyberi, ka deklaruar se, pala shqiptare është duke punuar me tre sportele ndërsa ajo greke me dy të tilla.
dogana kakavije rradhe (1)
(Në foto: Makinat duke pritur në doganën e Kakavijës)

Probleme dhe rradhë janë krijuar edhe në doganën e Kakavijës, për shkak të prishjes së rretit kompjuterik të doganës. Siç mësohet defekti ka ndodhur para orës 11:00 të mëngjesit ndërsa nuk është rregulluar.
 
Edhe në këtë pikë të kalimit kufitar, pala shqiptare është duke punuar me tre sportele ndërsa ajo greke me dy të tilla. Burime nga policia thanë se, në rradhë janë 150 makina që janë në pritje për të kaluar në drejtim të Greqisë.
 
dogana kakavije rradhe
(Në foto: Makinat duke pritur në doganën e Kakavijës)

Redaksia online
(ac/shqiptarja.com)