POP 5

Lajmet më të lexuara të 5 minutave të fundit

Kultura

Lajme nga emisionet

Rrëfehet në ‘Esencë ‘Petri i miss-eve’: Ky është çelësi i suksesit të karrierës sime! Mesazhe të ngrohta në studio nga miqtë e ngushtë

Ai është  “Petri i miss-eve”. Kjo është nofka që e ka ndjekur që prej angazhimit të tij me spektaklet e bukurisë. Për regjisorin Petri Bozo, rrugëtimi i tij në profesion ka qenë i mbushur me ngjyra, drita prozhektorësh dhe aq shumë bukuri, metaforike ose jo.

TIRANË- Ai është  “Petri i miss-eve”. Kjo është nofka që e ka ndjekur që prej angazhimit të tij me spektaklet e bukurisë. Për regjisorin Petri Bozo, rrugëtimi i tij në profesion ka qenë i mbushur me ngjyra, drita prozhektorësh dhe aq shumë bukuri, metaforike ose jo.

Studiot televizive janë për të një vend ku ai sillet aq natyrshëm, është në habitatin e tij, edhe pse gjithnjë ka qëndruar pas kamerës.  Edhe këtë herë erdhi në “Esencë” për një retrospektivë, jo vetëm të jetës së tij profesionale.

 “Kam pasur aparat që 5-vjeç dhe një laborator fotografik në shtëpi, çdo foto që bëhej stampohej në shtëpi dhe  çdo mëngjes gdhiheshim me foto te  pasqyra që thaheshin”, tregon ai.

“Dëshira ime për udhëtime, është ngjizur nga prindërit e mi”-rrëfen Petri ndërsa kujton kohën e fëmijërisë.

Kujton që ka qenë një fëmijë, shumë i lëvizshëm. Dhe ai tregon që këtë shpirt aventure e ka ngjizur edhe tek spektaklet që bën sot.

“Asnjëherë nuk e kam ndarë punën nga qejfi ose qejfin nga puna. Kjo ndoshta mund të jetë një simbiozë që i ka  çuar shumë mirë  përpara gjërat në jetën tonë”, shprehet Bozo.

Ai rrëfen se ai dhe  bashkëshortja e tij Alda mbështesin njëri-tjetrin në çdo iniciativë sado e vështirë apo e guximshme të duket.

Teksa flet për dëshirën për të promovuar Shqipërinë më anë të “Miss Globe”,Petri rrëfen vështirësinë teknike për realizimin e tyre, një sfidë që ia vlen gjithëherët, për çdo vlerë historike dhe kulturore të vendit.

Një nga gjërat më të çmuara që regjisori Petri Bozo zotëron është një arkivë e larmishme me shumë foto dhe video nga jeta familjare dhe veçanërisht nga angazhimet profesionale, një pasuri për punën dhe kontributin e tij ndër vite. Disa video surpriza në studio e emocionuan regjisorin, ndër to fituesja e këtij viti e “Miss Globe” Anabel Payano.

Mesazhe të ngrohta erdhën edhe nga miqtë e tij të ngushtë Auron Janku, Aleksandër Marku, Arben Pëllumbi. Qershiza e tortës ishte mbesa e tij Noara e cila luajti një pjesë në piano për gjyshin e saj Petrin.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu