POP 5

Lajmet më të lexuara të 5 minutave të fundit

Politikë

Rrëfimi përtej politikës, Veliaj flet për kohën që kalon me të birin, cili është filmi i preferuar i Kajanit

Përtej fushatës dhe politikës, kryebashkiaku i Tiranës Erion Veliaj ka treguar ditën e sotme një anë tjetër, atë të babait të Kajanit dhe kohën e çmuar që i pëlqen të shpenzojnë bashkë.

Rrëfimi përtej politikës, Veliaj flet për kohën që kalon me të birin, cili është filmi i preferuar i Kajanit

Erion Veliaj, me djalin dhe bashkëshorten e tij

Përtej fushatës dhe politikës, kryebashkiaku i Tiranës Erion Veliaj ka treguar ditën e sotme një anë tjetër, atë të babait të Kajanit dhe kohën e çmuar që i pëlqen të shpenzojnë bashkë.

Në një intervistë për TV Klan, kryebashkiaku Veliaj rrëfeu disa nga aktivitetet që ata bëjnë bashkë, nga filmat qe shohin te përrallat qe i lexon djalit.

“Në këto ditë të fushates jemi duke parë për të 17-tën herë, pra kemi dhe 12 ditë derisa të mbarojë fushata, filmin “Home”. Kai i di përmendësh të gjitha batutat. Flet për një grup alienësh që kërkon një botë të re. I them, bab’ mund të shohim një film tjetër se babi mirë që ka gjithë ditën që thotë të njëjtat gjëra, por vjen dhe në shtëpi dhe sheh të njëjtin film, po gjithmonë më thotë: “Babi, kjo është hera e fundit”. I thashë mos më bëj premtim fushate, në qoftë se është hera e fundit është hera e fundit, edhe qeshim me lot. Tani jemi duke lexuar disa nga përrallat e shqipëruara të Vëllezërve Grim dhe Kai që me thotë: kaloje, kaloje këtë se e di. O bab’ i thashë unë, mirë që s’më lënë në asnjë studio të mbaroj fjalën, po tani dhe në shtëpi nuk mbaroj dot fjalën”, tha Veliaj.

Një tjetër pasion i djalit të tij Kajan është edhe futbolli. Me batutë, Veliaj u shpreh se këtë pasion Kajan e ka zhvilluar edhe në shtëpi.

“Po regjistrohemi tek ‘Football Republic’ në Petrelë dhe mezi po pres që ne të fillojmë një rutinë të re. Kemi thyer me sukses të gjitha qelqurinat në shtëpi sepse një nga mënyrat për të përshëndetur babin kur vjen natën është me një gjuajtje të topit, i cili pasi bën rikoshet në disa vende, lë pasoja. Kështu që me sukses mund të themi që ne në shtëpi nuk kemi asgjë që thyhet. Kemi vetëm plastikë, gomë, por nuk kemi asgjë që thyhet”, deklaroi ai.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Zelensky: Nuk kemi forca për të rimarrë Krimenë dhe Donbasin! Rusia: Të hapur ndaj propozimeve nga i dërguari i Trump

Zelensky: Nuk kemi forca për të rimarrë Krimenë dhe Donbasin! Rusia: Të hapur ndaj propozimeve nga i dërguari i Trump

18 Dhjetor, 17:12