POP 5

Lajmet më të lexuara të 5 minutave të fundit

Sociale

Rrënohet 'Bazilika e Shën Mërisë' në Kurbin! Kisha 1500-vjeçare ku lutej Skënderbeu, drejt zhbërjes

Me një histori 1500-vjeçare, kisha mesjetare “Bazilika e shën Mërisë” në Kurbin ku dikur kryente ritualet e lutjes heroi ynë Gjergj Kastrioti, po shkon drejt rrënimit të plotë. Për Report Tv, Drejtoria e Kulturës në Shkodër thotë se projekti për rindërtim është në fazë tenderimi dhe shumë shpejt do të nisë ndërhyrja.

Unike në llojin e saj, ku dikur kryente shërbesat fetare Gjergj Kastrioti së bashku me bashkëshorten e tij Donikën, por sot kisha "Bazilika e Shën Mërisë" në Kurbin është degraduar. Me mure thuajse të rëna dhe afreske të dëmtuara, ky objekt kulti 1500-vjeçar monument kulture, me vlera të veçanta historike, rrezikon të zhbëhet.

Pavarësisht gjendjes së saj, besimtarët që e vizitojnë janë të shumtë.

"Të gjithë vijmë çdo të martë e të shtunë dhe nezim qirinj. Jo vetëm nga ky fshat, por vijnë nga Kruja, Zheja, Vivza etj e fshatra të tjerë 2 -3 orë me këmbë se nuk ka rrugë dhe s’ka vendos kush dorë në këtë kishë asnjëherë", tha një banor.

Shumica e banorëve të zonës janë kryesisht myslimanë, por kjo nuk i pengon që të luten pranë kishës historike. Ata bëjnë thirrje që autoritetet ta shpëtojnë nga shembja e plotë.

"Këtu shteti duhet të vejë dorë, pasi është kishë shumë vjeçare. Ne si fshat jemi komplet fshat që i përkasim besimit mysliman, por vimë çdo të martë dhe sidomos me 15 vijnë shumë aq sa nuk kanë ku me ndjenj njerëzit", tha një banor.

E kontaktuar për këtë çështje Drejtoresha Rajonale e Kulturës Kombëtare në Shkodër bën me dije se kjo kishë ësht përfshirë në programin e rindërtimit nga termeti dhe se projekti është në fazë tenderimi e shume shpejt do të nise ndërhyrja për restaurimin te saj.

Bazilika mesjetare e Shën Mërisë ndodhet në fshatin me të njëjtin emër në Malësinë e Kurbinit. E ndërtuar me një teknikë romake, kisha konsiderohet një ndër objektet më të rralla të kultit në Shqipëri.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu