RRESHEN - Një mësues është arrestuar nga policia pasi ka tentuar të përdhunojë një nxënëse. Ngjarja ka ndodhur në Rrëshen.

Vënia në pranga e Ded Gjinit, 63 vjeç u bë gjatë orëve të mbrëmjes së të shtunës, pas denoncimit të familjarëve të vajzës me inicialet E.V 15 vjeç, se ishte tentuar të abuzohej seksualisht nga mësuesi i saj.

Sipas burimeve nga policia, vajza i ka rrëfyer prindërve se kërcënohej nga mësuesi me notë në lëndën e tij.

Gjini mësohet të ketë thirrur në shtëpinë e tij të miturën duke e joshur kundrejt notës në lëndën e anglishtes.

Nxënësja pasi kishte vështirësi në lëndën e gjuhes së huaj, ka shkuar në shtëpinë e mësuesit por ky i fundit më pas ka tentuar të kryeje marrëdhenie seksuale me dhune dhe e ka kërcenuar të mos tregojë asgje në shtëpine e saj, në të kundërt do ta ngelte në klasë.

E mitura ka bërtituar dhe sipas të dhënave të policisë ka arritur të shpëtojë duke rrëfyer me pas çdo gjë në familje. Pas kallezimit në polici, mësuesi pedofil, është arrestuar menjëhere nga uniformat blu.

Redaksia Online
(Gre.M/Shqiptarja.com)