POP 5

Lajmet më të lexuara të 5 minutave të fundit

Kronikë

Rrëshqitja e dherave, 2 familje në Kurbin të rrezikuara! Bashkia: Procesi i rindërtimit është ndalur nga kompanitë

Dy familje me 6 anëtarë rrezikojnë jetën, pasi vijojnë të jetojnë në një godinë të shpallur të pabanueshme nga tërmeti i vitit 2019. Ata ndihen të kërcënuar, pasi në zonë ka pasur rrëshqitje dherash, që mund të çojnë deri në shembje të banesës.

Tërmeti i 26 Nëntorit 2019 i la pa banesë 2 familjet Lleshi në fshatin Dilbnish të Kurbinit, pasi godina 2 katëshe ku jetonin u shpall e pabanueshme.

Edhe pse familja u trajtua me bonus, 15 mijë lekë nuk mjaftonin për të marrë dy banesa me qira, ndaj ata vazhduan jetesën në vilën e dëmtuar.

Por goditja përfundimtare e banesës së tyre që kërcënon jetën e 6 anëtarëve të familjes Lleshi, janë dëmet e shkaktuara nga rrëshqitja e tokës.

Toka ka pësuar shkarje deri afer themeleve të shtëpisë, duke rrezikuar shembjen e plotë të saj

“Është i pabanueshëm, por asnjë masë nuk është marë. Është problem më i madh shembja e tokës sesa e shtëpisë. Është dimër dhe e merr shtëpinë përpara. Unë kam frikë, por s’kam se ku do shkoj,”-tha Ervin Lleshi, banor.

“Është duke u shembur çdo ditë dhe po kemi frikë të jetojmë këtu. Premtimë ka do bëjmë, do ndërtojmë, por në fund s’ka asgjë,”-u shpreh Marte Llleshi, banore.

3 vite pas tërmetit asgjë nuk ka ndryshuar për këta familje, pavarësisht premtimeve për banesa të reja, ndaj thirrja e tyre shkon për ndihmë.

“Kërkoj t’më japin shtëpi diku tjetër, një apartament. Nuk du unë ndihmë ekonomike, se kam pranuar kurrë sepse kam duart e mia, por banesën nuk ka mundësi ta ndërtoj,”-deklaroi Ervin Lleshi, banor.

“Një banesë dua asgjë tjetër. Kjo për të siguruar fëmijët,”-tha Marte Llleshi, banore.

Të kontaktuar nga Report Tv, përfaqësues të bashkisë Kurbin thonë se familja në fjalë është pjesë e familjeve përfituese nga projekti i rindërtimit, por ky proces për momentin momentin është ndalur nga kompanitë e tenderuara, për shkak të rritjes së çmimeve të materialeve të ndërtimit.

Tërmeti i 26-nëntorit të vitit 2019, la të pastrehë rreth 1500 familje në Kurbin.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56