Rreth 1500 të helmuar në Deçan, komuna shpall gjendjen e emergjencës! Shefja e kabinetit për Report Tv: Po kërkojmë staf mjekësor, rastet po rriten

Teksa numri i personave që përfundojnë në spital për shkak të helmimit, po rritet dhe janë raportuar 2 viktima, kryetari i komunës së Deçanit, Bashkim Ramosaj ka shpallur gjendjen emergjente.

E pyetur nga Report Tv, Shefja e kabinetit të komunës Deçan, Dafina Cacaj lidhur me situatën në vend, u shpreh se aktualisht po kërkojnë mjekë shtesë për shkak se numri i qytetarëve të helmuar po rritet dhe nevoja për shërbim po shtohet.

“Kryetari ka mbajt takime edhe me shtabin emergjent, situata është e njëjtë, kanë marrë një vendim dhe kanë shpallur gjendje emergjente. Jemi duke kërkuar shtim në kapacitet edhe nga komuna te tjera si dhe nga mjekë që janë në pension dhe në specializim për shkak se gjendja nuk është përmirësua prej dje deri sot.”, tha ajo.

LEXO EDHE:
7 orë diskutime të tensionuara Kosovë-Serbi në Bruksel! Lajçak paraqet propozim kompromisi për çështjen e dinarit! Bislimi: Përafron palët

Cacaj theksoi se megjithëse numri i personave të helmuar po rritet nga momenti në moment, rreziku për humbje jete nuk ekziston pasi të gjithë po marrin trajtimi ne duhur mjekësor.

“Numri po vazhdon të shtohet, por nuk ka rrezik për viktima të tjera pasi kanë marrë shërbimin e menjëhershme, megjithëse rastet po shtohen.”, tha shefja e kabinetit për Report Tv.

Gjendja e emergjencës është shpallur në bazë të Ligjit për Vetëqeverisje Lokale dhe Ligjit për Parandalimin dhe Sëmundjeve Ngjitëse të Statutit të komunës së Deçanit ka marrë vendim që të shpallet gjendje emergjente në tërë territorin e kësaj komune.

Lajmi kryesor:

Helmim masiv në Deçan, 1500 qytetarë me simptoma, shpallet gjendja e jashtëzakonshme! Autoritetet e komunës: Kemi nevojë për mjekë

J.GJ./SI.E./Shqiptarja.com

TAG:
• kosove
• helmimi
• media
• Deçan
• Vjosa Osmani
• uji i ndotur
• Bashkim Ramosaj