Rrezik për përmbytje/ Në Kamëz disa banesa nën ujë, Lleshaj dhe Balluku në terren, drejtori i zjarrfikëses: Gjendja nuk është alarmante

Foto ilustruese

Burime për Report Tv bëjnë me dije se në qytetin e Kamzës në disa banesa ka patur depërtim të ujit si pasojë e reshjeve të mëdha që kanë kapluar vendin orët e fundit.

Punonjësit dhe Drejtuesit e Agjencisë së Ujësjellës Kanalizimeve janë në terren duke punuar për të zgjidhur problemin. Në vendngjarje ndodhet edhe ministrja e Infrastrukturës dhe Energjisë, Belinda Balluku dhe Ministri i Brendshëm Sandër Lleshaj.

Ndërkohë në një lidhje telefonike për Report TV, Drejtori i zjarrfikëses së Tiranës, Shkëlqim Goxhaj ka bërë të ditur se drejt Kamzës janë nisur ekipet e zjarrfikëses dhe po punojnë për heqjen e ujit në këto banesa. Sipas Goxhaj situata nuk është alarmante.

Lajmi kryesor:

Rrufe, shi e erë/ Moti i keq përfshin Shqipërinë, thyhen pemë e përmbyten rrugë, probleme edhe me energjinë

TAG:
• reshje shiu
• moti i keq
• rrufe