Java e Karnavaleve festohet më së shumti nga fëmijët të cilët zgjedhin kostume të veçanta personazhesh e gjithashtu aplikojnë në fytyrë truke të cilat shkaktojnë alergji mbi lëkurën e tyre delikate.

Sipas mjekëve me këtë pjesë duhet pasur kujdes pasi lëkura e fëmijëve irritohet shpejt dhe mund të ketë pasoja. Edhe nëse i përdorim duhet që të mbahen për pak kohë dhe menjëherë të hiqen me detergjentë të posaçëm nga fytyra e fëmijëve.

Në rast irritimi mjekët rekomandojnë që të aplikohet një krem kortizonik dhe hidratant dhe nëse irritimi zgjat duhet të trajtohet me antibiotikë dhe menjëherë duhet të drejtoheni tek dermatologu.

(ad.ti/shqiptarja.com)