Shqipëria do të kërkojë ndarjen nga procesi integrues me Maqedoninë e Veriut nëse në qershor nuk mbahet konferenca e parë ndërqeveritare. Kjo deklaratë që kryeministri Rama bëri në Bruksel, nxiti opozitën në Kuvend të kërkojë mocion me debat urgjent me kreun e qeverisë. Por kërkesa e tyre, në të cilën mungonte firma e Sali Berishës, u rrëzua nga mazhoranca në votim të hapur.
Kreu i grupit parlamentar Socialist, Taulant Balla përgëzoi deputetët që e kishin sjellë kërkesën pa firmën e Berishës non grata, ndërsa tha se është e drejtë e vendit tonë, që të mos mbahet peng nga debati mes Bullgarisë dhe Maqedonisë së Veriut. Balla theksoi se Shqipëria ka vetëm një plan A për tu integruar në BE, ndërsa Plan B ka opozita që sipas tij “anti-amerikanizmin e ka kthyer në doktrinë”.
Në fjalën e tij, Vasili e cilësoi fjalën e Ramës si provokative dhe strategji për të penguar procesin e integrimit dhe i bëri kërkesë mazhorancës që të mos kenë frikë për debat. Ndërsa Balla tha se Shqipëria i ka plotësuar kushtet dhe kriteret që të mbahet konferenca e parë për integrimin në BE. Pasi u hodh në votim, kërkesa për mocion me debat me Ramën nuk u miratua.
Pak ditë më parë, Parlamenti Europian miratoi unanimisht me 519 anëtarë rezolutën për të bërë thirrje për mbajtjen e konferencës së parë ndërqeveritare.
Kryetari i Grupit Parlamentar në Partinë Socialiste, Taulant Balla në fjalën e tij në Kuvend tha se në çdo raport të BE-së thuhet se Shqipëria ka përmbushur 100% kushtet dhe kriteret që të mbahet konferenca e parë për integrimin në BE. Balla ironizoi edhe fitoren e Berishës, si kryetar i PD-së, ku tha se ishte një fitore kundër Amerikës.
‘Në qershor presim mbajtjen e Konferencës së parë ndërqeveritare. Dua ta them shumë qartë Shqipëria nuk mund të jetë dëmi kolateral i një çështje ku Shqipëria nuk është pjesë farë, në debatin mes Bullgarisë dhe Maqedonisë së Veriut. Në të gjitha raportet e BE-së thuhet qartë se Shqipëria i ka përmbushur100% të kushteve dhe kritereve. Ndaj ka të drejtë q në këtë periudhë të mos merret peng nga vende të tjera. Përderisa është thënë troç se çdo vend do të vlerësohet sipas performacës së tij, edhe ne duam që të na vlerësohet performanca. Keni kthyer anti-amerikanizmin në doktrinë. Bashkohuni në një trupë të vetme edhe me fitoren që keni arritur kundër Amerikës dje.’- tha Balla.
Seanca e sotme plenare ka nisur me shqyrtimin e mocionit për debat të kërkuar nga opozita për kryeministrin Edi Rama. Konferenca e Kryetarëve e ka refuzuar sepse nuk plotësonte formatin e kërkuar, ndërsa në Kuvend do të flasë një përfaqësues i opozitës dhe një i mazhorancës për këtë cështje dhe më pas do të hidhet në votim.
Opozita kërkoi mocion për debat pas intervistës së Ramës në Bruksel ku tha mbeten në pritje të presidencës franceze dhe theksoi se situata e ngërçit nuk do të qëndrojë gjatë pasi do të ndryshojnë kurs.
Në fjalën e tij në Kuvend, përfaqësuesi i opozitës, Petrit Vasili tha se debati me Ramën nuk i shërben opozitës por Shqipërisë. Ndër të tjera thesoi se fjala e kryeministrit ishte provokativ dhe kishte strategji të pengonte procesin e anëtarësimit të Shqipërisë në BE.
"Në këtë moment të procesit të integrimit europian nga kryeministri i vendit në Bruksel në mënyrë jo të papërgjegjshme por me strategji të qartë për ta penguar procesin është bërë një deklarim të rëndë dhe kryeministri ka thënë, po e citoj "Ndërkohë që të gjithë e kanë të qartë, kjo situatë nuk mund të vijojë më gjatë, dhe do të ndryshojmë menjëherë kurs"
Është e qartë për këdo që është thjesht një qëndrim provokativ ndaj një situate, e cila është rënduar jo për faj të europianëve sepse shpesh Kuvendi, mazhoranca, kryeministri kanë folur sikur janë përfaqësues të Europës, i kanë dhënë mend Europës si do të dalë nga problemet e saj sepse problemet tona i kemi dritë e pasqyrë. Po të mos kishte prapaskena të tjera, fjala e Ramës do të ishte debilitet politik. Nuk sheh nga Perëndimi ai. Aksi i tij është nga Lindja dhe rruga e Perëndimit për të kalon nga Beogradi. Këta i thonë vetes edhe rilindje. Sot nevoja për ta bërë këtë debat urgjent nuk ishte në të mirë të opozitës, por të Kuvendit të Shqipëisë dhe për t'u dëshmuar vendimmarrëse të mëdhenj se cila është Shqipëria e vërtetë. Mos u trembni ta bëni këtë debat dhe mos u fshihni pas gishtit me dëngla proceduriale", tha Vasili.
Lajme të tjera
-
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
Detyrim paraqitjeje për dy gazetarët, Sali Berisha: Artan Hoxha anëtar i bandës Bajri! T'i hiqet masa Qynos
25 Nëntor, 17:31 -
Kuvendi në seancë të posaçme, kryeparlamentarja e Çekisë: Mbështesim anëtarësimin e Shqipërisë në BE! Ka rol të rëndësishëm kundër ndikimit rus
25 Nëntor, 17:18 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Afera 'Partizani’/ GJKKO shtyn më 16 dhjetor seancën paraprake për Berishën, dhëndrin dhe 3 të tjerët! Avokati Gjokutaj: Strasburgu po shqyrton me prioritet dosjen e ish-kryeministrit
25 Nëntor, 12:52 -
Data për zgjedhjet 2025/ PS dhe Celibashi i propozojnë presidentit 11 majin, Klosi: T'ju lemë më shumë kohë emigrantëve! PD refuzon konsultimet, Berisha: 'Haram Bego' vendos çfarë i thotë Rama
25 Nëntor, 08:20 -
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00
