TIRANË- Prej disa ditësh vijon të jetë sërish shqetësuese situata e COVID-19 në vendin tonë. Gjatë 24 orëve të fundit janë shënuar dy viktima, përkatësisht një 64-vjeçar nga Durrësi dhe një 84-vjeçar nga Tirana. Ndërkohë nga e hëna deri në të shtunën e kësaj listës së humbjeve të jetës i janë shtuar 13 viktima.
Në një bilanc të bërë nga Report Tv rezulton se ditën e hënë dhe të martë janë shënuar nga 2 viktima, të mërkurën 3 viktima, të enjten, të premten dhe ditën e shtunë, përkatësisht nga 2 viktima.
Përmes një njoftimi për mediat Ministria e Shëndetësisë bën me dije se nga 6.527 testime të kryera, kanë rezultuar poztivë 658 raste të reja që janë evidentuar në këto Bashki:
217 raste në Tiranë, 98 në Shkodër, 51 në Vlorë, 38 në Durrës, nga 20 raste në Kavajë, Sarandë, 18 në Lezhë, 17 në Vau i Dejës, nga 16 raste në Krujë, Lushnje, Elbasan, nga 15 raste në Kamëz, Fier, 12 në Gjirokastër, 9 në Malësi e Madhe, nga 7 raste në Mat, Pogradec, Kuçovë, nga 5 raste në Kurbin, Berat, nga 4 raste në Dibër, Roskovec, Tepelenë, Poliçan, nga 3 raste në Kukës, Konispol, Memaliaj, Korçë, nga 2 raste në Tropojë, Rrogozhinë, Divjakë, Mallakastër, Cërrik, Peqin, nga 1 rast në Mirditë, Patos, Selenicë, Himarë, Delvinë, Skrapar, Belsh, Gramsh, Librazhd.
Aktualisht në të gjithë vendin janë aktivë 5.129 raste aktive, ndërsa në Spitalin Infektiv po marrin trajtim 73 pacientë. Sakaq, 142 qytetarë janë shëruar 24 orët e fundit, duke e çuar numrin e përgjithshëm të të shëruarve në 131.184.
Që nga fillimi i epidemisë në vendin tonë janë regjistruar 138.790 raste pozitive, ndërsa fatkeqësisht 2.477 persona nuk kanë mundur ta fitojnë betejën me koronavirusin.
Statistika (21 Gusht 2021)
Raste të reja ditore 658
Të shëruar në 24 orë 142
Të shtruar në spitale 73
Humbje jete në 24 orë 2
Testime ditore 6527
Testime totale 992,232
Raste pozitive 138,790
Raste të shëruara 131,184
Raste Aktive 5129
Humbje jete 2,477
Shpërndarja gjeografike e rasteve aktive sipas qarqeve:
Tiranë 1977
Shkodër 843
Vlorë 482
Fier 436
Durrës 305
Elbasan 251
Lezhë 238
Berat 177
Gjirokastër 157
Korçë 106
Kukës 92
Dibër 65
Nisur nga rritja e infektimeve në vendin tonë prej ditësh, ministrja e Shëndetësisë, Ogerta Manastirliu ka bërë apel për vaksinim. Përmes një postimi në ‘Facebook’, Manastriliu thotë se në vendin tonë aktualisht janë mbi 5 mijë raste me COVID-19, ndërsa shkruan se qytetarët duhet të vaksinohen për të ruajtur shëndetin e tyre dhe të të tjerëve që i rrethojnë.
Ajo shkruan se qendrat e vaksinimit janë të hapura edhe në fundjavë, ku të gjithë qytetarët mbi 18 vjeç mund të paraqiten nga ora 80:00 deri në 20:00 me mjetin e identifikimit për të marrë vaksinën anti-COVID.
“Rritja e rasteve të infektimeve ditore, të shtrimeve në spital dhe kalimi i mbi 5 mijë rasteve aktive me COVID-19 në vend, kërkon nga secili prej nesh përgjegjësi për mbrojtjen e shëndetit për veten dhe të tjerët, duke u vaksinuar sa më parë ndaj COVID-19 si dhe duke respektuar protokollet e shëndetit publik të cilat përcaktojnë qartë masat që duhen zbatuar në çdo mjedis dhe aktivitet. Vendos maskën, ruaj distancën, laj duart, shfrytëzoni ditët e muajit të hapur të vaksinimit masiv. Edhe gjatë fundjavës mund të vaksinoheni në qendrat e vaksinimit në të gjithë vendin”, shkruan Manastirliu.
Lajme të tjera
-
Koçiu: Shërbim dentar falas edhe të shtunën e parë të çdo muaji për të moshuarit
26 Tetor, 15:52 -
Dy ditët e fundit të hetimorit të shëndetësisë! Të hënë dhe të martë dëshmojnë ministra dhe ish ministra, pritet ardhja e Ilir Beqajt nga burgu
19 Tetor, 15:45 -
Partia Demokratike denoncon: Ministria e Shëndetësisë ka monopolizuar blerjen e oksigjenit mjekësor në duar të dy kompanive! Çmimi 3-4 herë më i lartë se rajoni
19 Tetor, 11:15 -
Ministrja Koçiu: 80 mijë pushues morën shërbim në qendrat shëndetësore verore
16 Tetor, 14:47 -
Qeveria ligj të ri për kërkimin shkencor/ PD: Qeveria po e centralizon! Manastirliu: Nuk preket autonomia e Universiteteve në shkencë
9 Tetor, 16:51 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
Manastirliu inspekton shkollën ‘Hasan Prishtina’ në Tiranë: 300 shkolla të pajisura me laboratorë
4 Tetor, 12:39 -
DOKUMENTI- Grupi i PD kallëzon në SPAK 74 deputetët e PS, listën e prin Edi Rama: Penguan ekzekutimin e 2 vendimeve të Kushtetueses për mandatin e Xhaçkës
2 Tetor, 11:05 -
Paketa e Sigurisë/ Ministri Hoxha: Mbikqyrim shkollat me kamera sigurie, me 'SmartCity' monitorimi do jetë me inteligjencë artificiale
30 Shtator, 12:51 -
Manastirliu: 500 shkolla Qendra Komunitare, forcojmë bashkëpunimin mes shkollës dhe komunitetit kundër fenomeneve negative
30 Shtator, 12:08 -
Liceu Artistik 'Jordan Misja' dhe Shkolla Koreografike në Tiranë me status! Kanë autonomi menaxheriale dhe financiare
21 Shtator, 15:15 -
Hyn në fuqi udhëzimi për dypunësimin e mjekëve, mjeku mbetet në dorën e titullarit publik pas kërkesës që dërgon
20 Shtator, 12:12
