Heqja pothuajse e të gjitha kufizimeve anti-COVID, për të hyrë dhe dalë jashtë vendit, ka dhënë impakt të menjëhershëm tek të ardhurat nga udhëtimet. Vetëm në tre muajit e parë të këtij viti të huajt kanë shpenzuar në Shqipëri për turizëm rreth 409 milionë euro, me një rritje prej 169 milionë eurosh në raport me të njëjtën periudhë të vitit të kaluar. Agjencitë turistike thonë se këtë vit fluksi i rezervimeve është i lartë, e po ashtu edhe pritshmëritë për sezonin.
“Pritshmëritë këtë vit janë të larta, ndikoi pak lufta me Ukrainë por nuk janë stepur rezervimet. Kërkesat vazhdojnë dhe të jenë të shumta. Duke qenë se Tirana është shpallur kryeqytet i rinisë këtë vit, i ka dhënë një reklamim goxha të madh vendit. Kërkesat janë nga Rumania, Franca, Zvicra, Ukrainas gjithashtu kanë ardhur, kanë ardhur chartera nga Polonia”, pohon Jetmira Hoxha, operatore turistike.
Ashtu si ushqimet, karburanti apo energjia edhe pushimet këtë vit do të kushtojnë dyfish më shumë.
“Çmimet në raport me vitin e kaluar, janë më të larta. Jugu këtë vit, ka çmime dyfish më të larta se vjet, ka ndikuar fluksi i njerëzve, por përsëri nuk i kanë stepur”, thotë Hoxha.
Heqja e kufizimeve, ka hapur dyert edhe për shqiptarët, të cilët rezervimet për sezonin i kanë nisur që në janar.
“Shqiptarët kanë nisur rezervimet që në janar të këtij viti. Turqia po mban rekorde, por pa lënë pa përmendur edhe Greqinë, Spanjën dhe Portugalinë. Edhe për ofertat jashtë vendit ka pasur rritje çmimesh”, pohon operatorja turistike.
Sipas të dhënave të Bankës së Shqipërisë nga janari në mars shqiptarët kanë shpenzuar jashtë vendit për pushime 323 milionë euro me një rritje prej 185 milionë euro në raport me vitin e kaluar. Pritshmëritë se ky vit turistik do të jetë më i suksesshëm rriten edhe nga të dhënat e INSTAT tregohet se deri në fund të prillit në vend kishin hyrë mbi 1 milionë shtetas të huaj, duke u rritur me 42.2% në raport me janar-prill 2021.
SHPENZIME BRENDA VENDIT
Janar-Mars 2022 409 mln euro
Janar-Mars 2021 240 mln euro
Diferenca +169 mln euro
SHPENZIMET JASHTË VENDIT
Janar-Mars 2022 323 mln euro
Janar-Mars 2021 138 mln euro
Diferenca +185 mln euro
Lajme të tjera
-
Fatos Çoçoli: Sa fitojmë nga SEPA si qytetarë?
22 Nëntor, 15:19
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
