POP 5

Lajmet më të lexuara të 5 minutave të fundit

Shëndeti

Rriten rastet e të prekurve me probleme të shëndetit mendor! Mjekja: Po preken edhe të rinjtë! Faktor kryesor, përdorimi i drograve

Mjekët ngrenë alarmin se ka një shtim të rasteve me probleme të shëndetit mendor tek të rinjtë, ku shkak kryesor përcaktohet përdorimi i substancave narkotike. Për bluzat e bardha shqetësim mbetet hezitimi i prindërve për të mos i dërguar fëmijët për trajtim shëndetësor, për shkak të stigmës që ka shoqëria për shëndetin mendor. Edhe pensionistët klasifikohen si grupmoshë që preket nga shëndeti mendor. 

Në një kohë kur vëmendja është fokusuar tek virozat dhe gripi stinor, shqetësues për bluzat e bardha mbeten edhe problemet e shëndetit mendor.

Sipas mjekëve jo vetëm që kemi shtim të rasteve të prekur me këto patologji, por shqetësues është fakti që janë të rinjtë ata të cilët po ekspozohen çdo ditë e më tepër kundrejt këtyre patologjive. Por cilët janë arsyet sipas mjekëve?”

“Si kudo edhe në Shqipëri ka pasur një rritje të numrit të personave me probleme të shëndetit mendor. Kjo për shkak të situatave që ne kaluam, por kryesisht janë shtuar të rinjtë të cilët kanë filluar të abuzojnë me substancat narkotike. Për shkak të asaj periudhe që kaluam të izolimit, Covidit”.- tha Valentina Asabello, mjeke psikiatre.

Një tjetër grupmoshë që preket më së shumti nga problemet e shëndetit mendor janë pensionistët. Sipas mjekëve kjo kategori përjeton çrregullime mendore, kur nisin jetën pasive larg punës, por edhe në periudha virozash ka shtim të ankthit mes tyre.

“Pas pensionit moshat 60-65 bëjnë çrregullime ankthi pas daljes në pension. Kjo ngaqë mësohen në një jetë aktive në punë çdo ditë, dhe papritur vjen ai momenti ku duhet të mbyllen. Në momentin që ka viroza ne kemi vënë re që shtohen edhe çrregullimet e ankthit sepse e para edhe vetë virozat duke e lënë e plogësht kanë ato pasojat e tyre. Por, edhe vetë frika duke qenëse në viroza, COVIDI i kap ataku i panikut”.- thotë mjekja.

Mjekët bëjnë apel që pacientët me probleme të shëndetit mendor të drejtohen tek specialistët, duke u sugjeruar prindërve që të jenë më të hapur për të pranuar një problematikë të tillë tek fëmijët e tyre.

“Shumë prindër hezitojnë duke menduar se këto janë probleme që mund të kalojnë vetë. Duke u përpjekur ti shmangen mjekimit pa dashur e agravojnë içik situatën, sepse një i ri që vuan nga problemet e shëndetit mendor ka nevojë për mbështetje”.- shprehet mjekja psikiatre.

Sipas mjekëve personat që vuajnë nga problemet e shëndetit mendorë janë më të tërhequr në vetvete, zgjedhin të qëndrojnë në ambiente të izoluara, nuk u pëlqen të rijnë në bisedë ose nervozohet shpejtë, si dhe bëjnë sjellje të çuditshme.

M.Q./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56