TIRANE- Të vetëpunësuarit në Bujqësi do të paguajnë 5 mijë lekë të reja, më shumë kontribut. Vendimi më i fundit i këshillit të Ministrave, rrit masën e të vetëpunësuarve në fshat, duke përfshirë edhe zonat e varfëra. “Të vetëpunësuarit në bujqësi të derdhin kontribut vjetor për sigurimet shoqërore në masën 38 400 lekë, me përjashtim të të vetëpunësuarve që banojnë në rrethet Bulqizë, Dibër, Gramsh, Has, Kolonjë, Kukës, Librazhd, Malësi e Madhe, Mat, Mirditë, Pukë, Skrapar, Tepelenë dhe Tropojë, për të cilët masa e kontributit vjetor është 29 400 lekë”, - thuhet në vendimin e qeverisë.