Besimi në ekonominë e vendit vijon të rritet për të 7 muaj radhazi, duke dëshmuar se situata ekonomike po shkon drejt përmirësimit. Sipas Bankës së Shqipërisë në qershor treguesi i ndjesisë ekonomike është rritur me 1.6% krahasuar me muajin maj, ndërkohë që është 5.7% mbi mesataren historike të vendit.
“Dinamika pozitive e TNE-së në muajin qershor u përcaktua kryesisht nga rritja e besimit në sektorët e shërbimeve dhe të tregtisë. Gjithashtu, besimi konsumator u përmirësua por në një masë më të vogël. Nga ana tjetër, besimi në sektorin e industrisë shënoi rënie, ndërsa besimi në sektorin e ndërtimit mbeti në nivel të përafërt me vlerat e muajit të kaluar”, thuhet në raportin e Bankës së Shqipërisë.
Konkretisht sipas raportit besimi në sektorin e industrisë është ulur me 2.1% për shkak se është tkurrur prodhimi aktual si dhe janë në rënie edhe kontratat për eksportet. Por nga ana tjetër është përmirësuar gjendja financiare e këtyre bizneseve.
Ndërsa sektori i ndërtimit, i cili ka pasur kontributin kryesor në rritjen ekonomike, në qershor, nuk ka pasuar zhvillimin e muajve të kaluar. Sipas raportit në muajin e kaluar këto biznese raportojnë për ulje të aktivitetit të tyre edhe pse kontratat janë rritur.
Rritja më e madhe e besimit është regjistruar në sektorin e shërbimeve me 4.1%, krahasuar me muajin maj duke qëndruar mbi mesataren historike. Në këtë rritje ndikim kanë dhënë lëvizjet për qëllime turistike pasi është rritur kërkesa për shërbim, shfrytëzimi i kapaciteteve si dhe gjendja financiare e tyre.
Ecuria aktuale e biznesit e përmirësuar dhe rritja e punësimit kanë ndikuar pozitivisht në rritjen e besimit në tregti. Ndërsa tek konsumatorët në rritjen e besimit ka dhënë ndikim pritja pozitive për situatën e përgjithshme ekonomike në të ardhmen, shoqëruar nga përmirësime të lehta për situatën e tyre financiare si dhe pritjet për blerjet në shuma të mëdha.
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Fatos Çoçoli: Rilindja e pensioneve?
21 Nëntor, 18:45
-
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04
