Rritet numri i infektimeve dhe viktimave nga COVID-19 në Kosovë/ 340 raste të reja dhe 10 persona humbën jetën në 24 orët e fundit

Rritet numri i infektimeve dhe viktimave nga COVID-19 në Kosovë/ 340 raste të reja dhe 10 persona humbën jetën në 24 orët e fundit

Foto ilustruese

KOSOVË- Në Kosovë gjatë 24 orët e fundit kanë rezultuar pozitiv me koronavirus 340 raste dhe janë raportuar 10 viktima në 24 orët e fundit.

Në raport me ditën e djeshme numri i infektimeve dhe viktimave është rritur ndjeshëm, pasi dje u regjistruan 285 raste të reja dhe humbën jetën si pasojë e virusit 5 persona.

Numri i personave që kanë arritur të fitojnë betejën me COVID-19, gjatë 24 orët e fundit është 411.

Rastet pozitive janë nga komunat: Prishtinë 162 raste, Prizren 29 raste, Pejë 20 raste, Lipjan 18 raste, Mitrovicë 14 raste, Ferizaj 13 raste, Deçan 10 raste, Fushë-Kosovë 10 raste, Gjilan 10 raste, Vushtrri 10 raste, Gjakovë 8 raste, Graçanicë 7 raste, Kaçanik 4 raste, Rahovec 4 raste, Shtime 4 raste, Viti 4 raste, Obiliq 3 raste, Klinë 2 raste, Malishevë 2 raste, Skenderaj 2 raste, Suharekë 2 raste dhe me nga një rast komunat Istog dhe Podujevë.

Rastet e vdekjes janë nga komunat: Prishtinë 3 raste (67, 80, 55 vjeç), Prizren 2 raste (54, 46 vjeç), Rahovec 2 raste (76, 52 vjeç), Ferizaj 1 rast (72 vjeç), Gjakovë 1 rast (81 vjeç) dhe Vushtrri 1 rast (58 vjeç).

Numri total i infektimeve nga koronavirusi ka shkuar 65.690, ndërkohë që ai i viktimave është 1.568 në të gjithë vendin që nga fillimi i pandemisë, duke përfshirë edhe përditësimet e ditës së sotme.

Ministri në detyrë i Shëndetësisë, Armend Zemaj, ka thënë se vaksinat kundër koronavirusit do të arrijnë në Kosovë gjatë këtij muaji. Ai siguroi se procesi i përgatitjes për ardhje të vaksinave ka përfunduar, që nënkupton planin e imunizimit dhe sigurimin e zinxhirit të ftohjes.

Kohët e fundit në Kosovë është ngritur alarmi pasi në vend janë regjistruar 3 rastet e para pozitive me variantin britanik të COVID-19.

Qeveria në detyrë e Kosovës, pas një shqyrtimi të situatës epidemiologjike në vend vendosi që të lehtësohen masat anti-COVID. Një ndër masat e reja të cilat hynë në fuqi ditën e sotme është heqja e orës policore në ‘zonat e kuqe’ në të gjithë vendin.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Arrestimi i mjekut, a po bëhet sa duhet për të luftuar korrupsionin në sistemin shëndetësor?



×

Lajmi i fundit

‘Narcos-i’ i Greqisë, shkatërrohet karteli i drogës shqiptaro-grek! Autoritetet zbuluan plantacionin 40 hektarësh, 11 ton hashash të sekuestruar  

‘Narcos-i’ i Greqisë, shkatërrohet karteli i drogës shqiptaro-grek! Autoritetet zbuluan plantacionin 40 hektarësh, 11 ton hashash të sekuestruar