POP 5

Lajmet më të lexuara të 5 minutave të fundit

Ekonomi

Rritet me 13 mijë e 500 lekë paga bazë e efektivëve të burgjeve! Drejtori i Burgjeve: Përfitojnë 3560 punonjës

Paga bazë e efektivëve të burgjeve rritet me 13 mijë e 500 lekë. Këtë bëri me dije Drejtori përgjithshëm i Burgjeve duke thënë se nga kjo rritje page përfitojnë 3560 punonjës të policisë së burgjeve.

Paga bazë e efektivëve të burgjeve rritet me 13 mijë e 500 lekë. Këtë bëri me dije Drejtori përgjithshëm i Burgjeve duke thënë se nga kjo rritje page përfitojnë 3560 punonjës të policisë së burgjeve. I pranishëm në takimin në IEVP Fier ishte dhe ministri i Drejtësisë, Ulsi Manja pasi në fokus të takimit ishin rritja e pagave dhe uniformat e reja. Manja tha se nga 1 shtatori, pagat e policisë së burgjeve janë të barazuara me ato të policisë së Shtetit. Manja kërkoi ndjesë për vonesën në rritjen e pagës që duhet të niste prej 1 korrikut me efekt në gusht, por u shty me 1 muaj.

"Gra e burra, vajza e djem, që kanë një detyrë të vështirë, stresuese, të rrezikshme në shumicën e rasteve, ndaj pa hezitim e them se vendimi që e shpalosi fillimisht kryeministri javën e kaluar, është nga më të mirët që kemi marrë në këto vitet e fundit, për këtë institucion. Është një tregues i qartë, se edhe në kohë krize, dhe Shqipëria ashtu si gjithë bota po përballet me krizat prej mëse dy vjetësh (madje ne prej 3 vitesh megjithë tërmetin) qeveria jonë nuk harron askënd, nuk lë pa kujdes e pa trajtim asnjë kategori.

Arsyeja e takimit në IEVP e Fierit ishte prezantimi i disa punëve të mira dhe i disa reformave që ka disa muaj që kemi ndërmarrë si Ministri e Drejtësisë me Drejtorinë e Burgjeve në të gjitha IEVP e vendit. Sot prezantuam refomrat që i kishim premtuar që në korrik, uniformat e reja për punonjësit dhe pagat e reja për policinë e burgjeve dhe stafet e policisë së burgjeve që tashmë janë realitet dhe kanë nisur efektet financiare që nga 1 shtatori i këtij viti", tha Manja.

Duke nisur nga grada aspirant, tashmë niveli i pagës

  • nga 40.000 lekë shkon në 53.500 lekë. (Rritje 13.500 lekë)
  • Niveli nën/inspektor: nga 45.500 lekë shkon në 55.640 lekë
  • Niveli inspektor: nga 50.000 lekë në 58.000 lekë
  • Niveli kryeinspektor: nga 55.000 lekë në 64.000 lekë
  • Niveli nën/komisar: nga 65.500 lekë në 70.085 lekë
  • Niveli komisar: nga 72.000 lekë në 77.040 lekë
  • Niveli kryemomisar: nga 95.000 lekë në 101.650 lekë
  • Niveli Drejtues Burgu: Nga 106.700 lekë në 123.050 lekë
  • Niveli Drejtor i Përgjithshëm i Policisë: Nga 115.000 lekë në 133.760 lekë.

Rendit zhvillimet sipas orarit:
Ora 13:18
Ndryshimet në Reformën në Drejtësi do t'i japin të drejtë rikandidimi në krye të SPAK Arben Krajës? Ministri i Drejtësisë nuk jep përgjigje

Nga IVEP Fier, i pyetur nëse ndryshimet në Reformën në Drejtësi do të marrin në konsideratë kërkesën e Arben Krajës drejtuar Kuvendit në prill të vitit 2021 për t'i dhënë të drejtën e rikandidimit në krye të SPAK, Manja nuk dha asnjë përgjigje konkrete.

"Më lejoni të jem i qartë, reforma në drejtësi është një reformë e konceptuar tërësisht në parlamerntin e Shqipërisë. Ministri i Drejtësisë sot në raport me çështjet e drejtësisë ka funskione të monitorimit të sistemit dhe jam aty të ndihmoj sistemin te funksionojë në mënyrë të pavarur sipas Kushtetutës dhe ligjit duke e buxhetuar këtë strukturë sipas kërkesave që ajo ka", tha Manja.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29