TIRANË- Ashtu siç kishin paralajmëruar, dhjetëra qytetarë janë mbledhur sërish sot në Tiranë për të protestuar kundër rritjes së çmimeve, të cilat i cilësojnë abuzive. Në dallim nga një ditë më parë, numri i protestuesve është më i pakët.
Në ditën e 5-të të protestës qytetarët vijuan marshimin nga sheshi 'Skënderbej', në drejtim të kryeministrisë. Në lidhje me planin me 7 pika të propozuar nga kryeministri Edi Rama, për Paketën e Rezistencës Sociale, ato u shprehën për Report Tv, se ky është thjeshtë një mashtrim i radhës,
'Plani me 7 pika është vetëm një mashtrim i radhës. Pensionet janë ku nuk thërret qameti. Me planin e qeverisë nuk është shtuar asgjë. Ato 3 mijë lekë që ka dhënë t’i vijë zor.'- u shprehën disa qytetarë.
Pasi mbajtën fjalime para kryeministrisë, ku kërkuan uljen e çmimeve, protestuesit bllokuan rrugën në kryqëzimin e rrugës së ‘Myslym Shyrit’, ndërsa u desh ndërhyrja e policisë që qarkullimi i mjeteve të rifillonte. Ato paralajmëruan se do të zhvillojnë sërish protesta gjatë javës, ndërsa nesër pritet që të mblidhen në orën 17:00.
Protesta u mbajtën edhe në disa qytete të tjera të vendit, në Korçë, Devoll, Gjirokastër dhe Kukës. Ajo që u vu re ishte pjesëmarrja e ulët në protestë në krahasim me ditët e mëparshme, madje në Gjirokastër ishin vetëm 5 qytetarë.
Qytetarët e Lushnjes kanë dalë në protestë kundër rritjes së çmimeve, teksa ato nuk kanë lejuar që pjesë e saj të bëhen deputetët e Partisë Demokratike, madje duke folur edhe me gjuhën e Sali Berishës, teksa e quan deputetin e zonës, Saimir Korreshi, "larg protestës deputeti i Lul Bravës'.
Një numër protestuesish kanë bllokuar për disa minuta rrugën tek kryqëzimi i rrugës së ‘Myslym Shyri’, duke mos lejuar qarkullimin e makinave. Të rinjtë po protestojnë kundër rritjes së çmimeve dhe rritjes së çmimit të naftës. U desh ndërhyrja e policisë që të zhbllokohej qarkullimi i makinave në rrugë.
Me duartrokitje dhe me thirrje për uljen e çmimeve, qytetarët e Korçës kanë marshuar paqësisht në pedonalen e qytetit, kundër rritje së çmimeve. Protesta zgjati për 30 minuta, ndërsa pjesëmarrja ishte më e vogël se në ditët e mëparshme. Qytetarët kanë ngritur zërin, për uljen e çmimit të naftës, produkteve të shportës dhe uljen e taksave.
Qytetarët po protestojnë në formë marshimi në shëtitoren kryesore të qytetit të Kukësit, kundër rritjes së çmimeve dhe shtrenjtimit të jetesës. Protestuesit me pankarta në duar kundër rritjes së çmimeve dhe shtrenjtimit të jetesës. Protestuesit kërkojnë ulje e çmimeve, duke kërkuar një qeverisje të përgjegjshme, pasi sipas tyre 30 vjet Kukësi është vjedhur sistematikisht nga çdo politikan.
Gjirokastra i është bashkuar ditën e sotme protestës kombëtare kundër rritjes së çmimeve. Ajo që është vënë re një pjesëmarrje shumë e ulët me vetëm 5 qytetarë.
Report Tv sjell pamjet me dron nga protesta e ditës së sotme në Tiranë e qytetarëve, të cilët protestojnë kundër rritjes së çmimeve.
KORÇË- Fermerët e Devollit, protestuan ditën e sotme përballë drejtorisë së bujqësisë në hyrje të qytetit. Fermerët po zhvillojnë një protestë paqësore, ndërsa kërkojnë uljen e çmimit të naftës, çmimeve të produkteve të tjera ushqimore si dhe uljen e çmimit të plehrave kimike. Vështirësi sipas fermerëve hasin edhe në mosshitjen e prodhimeve bujqësore, ata paralajmërojnë se do të lenë tokat e tyre djerrë.
‘Nafta është kryesorja, dhe është jetike. Duhet të ndihmojë bujqësinë që të rrijë vërtetë. Neve na fundosi fare qeveria. Nuk po punojmë dot, do ti lejmë arat bosh. Bota i stimulon fermerët që punojnë, pasi është puna më e rëndë.’- u shprehën disa fermerë.
‘Nëse nuk do të ulen plehrat, si pesticidet dhe nafta ne do të jemi të falimentuar. Nëse nuk do të vërë dorën shteti qeveria ne do të falimentojmë.’- u shpreh një fermer.
Protesta sipas fermerëve do të vazhdojë, nëse nuk merren masa nga qeveria. Në terren edhe prezencë të policisë.
Komente
Lajme të tjera
-
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj 5 orë në SPAK! Jep shpjegime si person që ka dijeni: Do flas në këshillin bashkiak (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55
Keta qe protestojne jane mitingashe me rroge nga para korrupsioni,droge,zhvatje te paguara nga opozitat llum qe ka ne Shqiperi. Lerini te pellasin si gomaret rrugeve, te kenaqemi.
PërgjigjuPjesemarrja e ulet diten e sotme ne proteste tregon qe 7 masat e qeverise e kane dhene efikasitetin e tyre.
PërgjigjuMjellma ashtë shoqe e mir,po tallet me penxionera,unë isha 17 vjeçe kur e humba beqarin,a ju të gjor kush ju ka faj jeni mbet të ri në shkallët e Sojit
PërgjigjuProtesta tani duhet te perqendrohet tek qellimi dhe piksynimet e saj. Ky Km dhe kjo klase politike nuk do ju jape kurre ato qe kerkoni. Shtypesi nuk e ul kurre shtypjen. Pikesynimi i kesaj proteste duhet te jete largimi i kesaj qeverie dhe shperberja e kesaj klase politike. Kush do e marri mund te pyesni ju…bijte tuaj qe keni derguar jashte shtetit dhe ato qe keni ne Shqiperi, ose pse jo.. edhe ju vete. Bejeni me nga 6 muaj sejcili. Nuk ma do mendja qe ka ndonje njeri ne kembe te dheut qe mund te beje nje pune me te keqe se Edvin Chari. S’ke si e ben me keq, eshe po nuk ja the fare nga numrat. ???? Cfare duhet bere: 1. Asgjesimi i humbjeve buxhetore (vjedhja). 2. Ulja e kostos se financave, jo me shtet parazitar dhe ministri VK, por politika te mirefillta dhe te drejtperdrejta punesimi dhe ekonomie. Duhet ulur nr i ministrive te panevojshme qe te clirojne buxhet. 3. Rindertimi i sektoreve strategjike, si psh Nafta dhe jo shkaterrim, shitje ose dhurim i te drejtes se shfrytezimit se pasurive kombetare ndaj nje grupi parazitor te caktuar. 4. Sekuestrimin e te gjithe pasurise te vjedhur dhe te mbledhur ne menyra joligjore ne duart e krimineleve (perfshi edin e saliun e liken e lul bq) dhe dorezimi i saj ne popull. 5. Shkeputje e plote nga mafja, droga dhe aktivitete te tjera re jashtligjshme si forme pasurimi ne Shqiperi. 6. Ndalimi i perdorimit te Shqiperise si parajse juridike dhe takse per kriminelet, mafjozet dhe specje te cuditshme politikanesh. 7. Ndalimi i zbatimit me standard te dyfishte i ligjit. Ligji s’ben per bq-ret e kuvendit, sali berishen, edvin charin etj, por zbatohet me hir e pa hir per te tjeret. 8. Ndalimi i kryetarokracise. Kryetari s’duhet te kete pushtet absolut mbi partine. Partia nuk eshte prone familjare e kryetarit. 9. Shperberja e dispozitave ligjore qe pengojne drejtesine per te ndjekur penalisht politikanet dhe grupe te caktuara njerezish. 10. Ndjekja penale e gjykatesve dhe prokuroreve qe nuk bejne punen. Jeni nje hap me after shperberjes se tiranise!
Përgjigju