Rritja e çmimit të ujit, këshilltarët e PD gati padinë: Bashkia do ju kthejë lekët qytetarëve

Këshilltarët e djathtë kanë bojkotuar mbledhjen e këshillit bashkiak të Tiranës. Kryetari i këshilltarëve të PD, Kreshnik Çollaku, paralajmëroi kryebashkiakun Erion Veliaj se opozita po kryen procedurat për të paditur kryebashkiakun për vendimin për rritjen e çmimit të ujit.

Ai ju bëri thirrje qytetarëve të kryeqytetit të paraqesin faturat e tyre të ujit te bashkia dhe kjo e fundit do të jetë e detyruar t’iu kthejë paratë, duke shtuar se ky vendim është i paligjshëm.

Faturat e kripura që paguajnë qytetarët çdo muaj janë shtuar dhe rënduar. Qytetarët paguajnë taksa të reja të ngritura nga kjo bashki, një prej të cilave është edhe ajo e ujit. Dua sot të bëj publike se grupi i këshilltarëve të djathtë po mbaron procedurat për të paditur këtë vendim të këshillit bashkiak të Tiranës në Gjykatën e Tiranës. I kërkoj cdo qytetari të Tiranës të marrë faturën e ujit dhe të paraqitet në bashkinë e Tiranës dhe kjo e fundit është e detyruar t’iu kthejë paratë.

Kreu i këshilltarëve të PD, Kreshnik Çollaku

Të njëjtën gjë ka pohuar dhe këshilltari i djathtë, Fabian Topollaj, i cili tha se vendimi për rritjen e çmimit të ujit është i paligjshëm dhe do të paditet.

LEXO EDHE:
'Dezinformimi'/ Nënkryetari i PD: Rusia ndikon në politikën shqiptare! Koçi: S’duhet lejuar të ndërhyjë në zgjedhje! Lita: Një deputet i LSI është takuar me Putin

Vendimi për rritjen e çmimit të ujit ka kaluar në mënyrë të paligjshme, do ta padisim. Gjykata shumë shpejt do të rrëzojë çmimin e rritur të ujit. Gjykata do ta shpallë të pavlefshme çmimin e rritur të ujit, qytetarët nuk kanë pse paguajnë tarifat korruptive. Rritja e çmimit të ujit është e pavlefshme dhe s’kanë pse paguajnë korrupsionin e Veliajt.

Këshilltari Fabian Topollaj

TAG:
• Kreshnik Çollaku
• Këshilli Bashkiak i Tiranës
• keshilltaret e pd

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.2%

• Jo

  72.3%

• Nuk e di

  8.6%

Vota total: 2101

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di