Kryeministri, Edi Rama e konsideroi rritjen më të madhe në histori rritjen me 7% pagave të mjekëve dhe infermierëve në vendin tonë. Mes të tjerash, ai foli edhe për studentët e mjekësisë, për të cilët bëri me dije se qeveria do të mbulojë studesimet e atyre të cilët pranojnë të nënshkruajnë një kontratë me shtetin shqiptar për të punuar në spital publik dhe jo të atyre që thjesht arsimohen në Shqipëri për të ikur më pas në Gjermani. Rama tha se studentët do të paguajnë tarifë të plotë studimi. 

“Ne paguajmë si qeveri suportin e kostos së studentëve të mjekësisë në një masë të atillë që tarifa është 1 e 16 e kostos. Që të punojmë ne për të ushqyer sistemin shëndetësor gjerman, kjo nuk shkon. Prandaj do bëjmë një ndryshim, atyre që do hyjnë në mjekësi dhe nuk do duan të firmosin kontratën me popullin shqiptar për një periudhë kohe X, atëherë do paguajnë aq sa bëjnë tarifa. Të tjerët që thonë unë jam i gatshëm të punoj për popullin tim për një periudhë 3-4 vjeçare të marrin mësimin lirisht. Të tjerët do duhet të paguajnë”-tha kreu i ekzekutivit.

Gjatë një takimi të zhvilluar me mjekë dhe infermmierë në QSUT, ku ishte e pranishme edhe ministrja e Shëndetësisë, Ogerta Manastirliu, Rama tha se me rritjen e fundit të bërë, paga e mjekëve të përgjithshëm do shkojë deri në 59 mijë lekë të reja.

“Rritja më e madhe historike e pagave, për të cilën kemi gëlltitur shumë gjera më durim sepse nuk është vetëm çështje dëshire, por edhe mundësish. Kur ekonomia merr frymë, rritet, kjo rritje pagash është pasqyra direkte e një rritjeje të qëndrueshme të ekonomisë që ka përballuar ato goditjet e forta që ju i dini. Keni qenë ju në vijnë e parë për të përballuar ekonominë. Ne kemi bërë një rritje të pagave për mjakët specialist dhe nga ana tjetër kemi një zotim për rritjen me 7% të pagave për mjekët e infermierët në tërësi. Kjo do të bëhet për mjekët e përgjithshëm dhe infermierë. Paga e mjekëve të përgjithshëm, do të rritet me 59 mijë lekë, këto bishtat mos i merrni fiks se mund t’ju ndryshojnë. Paga e infermierit do të shkojë 72 mijë, por ky është hapi i parë se në harkun midis dy prillave do e plotësojmë kuadrin, për momentin mjekët shpresoj nuk do të kërkojnë më shumë.  Mjekët specialist në QSUT do e kenë pagën 174 mijë lekë, ndërsa mjekët e përgjithshëm do të shkojnë 131 mijë lekë dhe infermierët 87 mijë”- tha Rama.

 

 

Në mbyllje të fjalës së tij, Rama konsideroi si shumë të rëndëishme autonominë spitalore gjë që sipas tij do të jetë një avantazh për të gjithë mjekët dhe infermierët që punojnë në spitale publike.

“Ambicia jonë është të shkojmë më tutje dhe të bëjmë më shumë. Mjekët dhe sistemi shëndetësor do kenë një avantazh që nuk e kanë të tjerët, që është autonomia spitalore. Do u bëja thirrje drejtuesve të spitaleve, mjekëve në tërësi që të fokusohen tek autonomia spitalore që më pas të futemi në atë pjesën e vetëfinancimit të spitalit. Do të thotë që mjekët të mos ketë nevojë të ikë më nga spitali për të kryer shërbime të tjera, sepse të ardhurat do shkojnë në xhepin e tij dhe jo të shtetit”- u shpreh kryeministri.  

Rendit zhvillimet sipas orarit:
Ora 18:14
Rritja e pagave, Tabaku kritika qeverisë: S’ka ekspansion me tatimin socialist

1680170322_finalprojekt.00205317.Still022.jpg

Deputetja e PD-së, Tabaku shkruan se nuk ka si të ketë rritje ekonomike me tatim socialist. Duke iu referuar lajmit të dhënë nga kryeministri për rritjen e pagave

‘Nuk mund të ketë rritje pagash në privat me urdhër qeverie, kjo e fundit mund të urdhërojë vetëm rritje taksash për bizneset dhe sipërmarrësit siç ka bërë në 10 vite. Nuk mund të ketë rritje pagash me tatimin socialist sepse nuk ka rritje ekonomike me tatimin socialist!

Kur jep leje ndërtimi kompanive që kanë 0 bilanc e pastrojnë para thjesht po u shërben qytetarëve gënjeshtra për pagesat e punëtorëve & tenderat publikë. Paga minimale mund te fillohet nga koncesionarët që janë përfituesit/abuzuesit më të mëdhenj.

Nuk punon dot për shumicen një qeveri socialiste në shërbim të pakicës që ka mbytur ekonominë dhe konkurencën. Nuk është qeveria e shqiptarëve ajo që taton 95% për t’i dhuruar taksat 5% të shqiptarëve. Ky është sistemi i pandershëm i taksimit nga një qeveri e pakicës!’- shkruan Tabaku.

G.MO/Shqiptarja.com