POP 5

Lajmet më të lexuara të 5 minutave të fundit

Ekonomi

Rritja reale e PBB për vitin e 2013
ishte katër herë më e ulët

Ndryshimet midis parashikimeve të Kuadrit Makroekonomik e Fiskal për periudhën 2014-2016 janë të theksuara krahasuar me ato të periudhës 2015-2017.
Rritja reale e PBB për vitin e 2013<br />ishte katër herë më e ulët
TIRANE- Ndryshimet midis parashikimeve të Kuadrit Makroekonomik e Fiskal për periudhën 2014-2016 janë të theksuara krahasuar me ato të periudhës 2015-2017. I pari është hartuar nga administrata “Berisha”, ndërsa i dyti nga administrata “Rama”. Ajo që vlen të theksohet është parashikimi i rritjes reale të Prodhimit të Brendshëm Bruto (PBB) për vitin 2013 në Kuadrin Makroekonomik e Fiskal për periudhën 2014-2016, që sipas qeverisë së kaluar ishte dhënë shifra 3.1%.

Ndërkaq, sipas vlerësimit të kryer së fundmi nga Ministria e Financave, rezulton se rritja reale e PBB-së është mbi 4 herë më e vogël se sa ishte parashikuar nga administrata “Berisha”. Vlerësimi, sipas kuadrit Makroekonomik dhe Fiskal për periudhën 2015-2017, për rritjen reale të PBB-së për vitin 2013 është 0.7%. Ndërkaq, parashikimet e Qeverisë socialiste për treguesit makroekonomik për 2 vitet në vijim, edhe pse nuk kanë të njëjtin “optimizëm” të administratës “Berisha”, mund të thuhet se janë realiste, duke u nisur nga vlerësimi i këtyre treguesve për sa i përket vitit 2013.

PBB/banor
Për vitin 2013, vlerësiimi i Qeverisë socialiste, për sa i përket PBB-së për banor, ka rezultuar më i vogël se sa parashikimi i bërë nga administrata “Berisha”. Gjithashtu Qeveria aktuale ka një parashikim më të vogël të PPB-së për banor, për vitet 2014 dhe 2015, se sa kishte parashikuar paraardhësja e saj. Ndërkaq, duke iu përmbajtur parashikimeve të Kuadrit Ekonomik e Fiskal për periudhën 2015-2017, PBB-ja për banor për vitin 2016 pritet të jetë më e lartë se sa ishte parashikuar në kohën e administratës “Berisha”. Duhet theksuar se ky tregues makroekonomik është gjithashtu një tregues që lidhet me mirëqënien e një vendi
 
Huaja
Qeveria socialiste është në negociata për marrjen e huave, që sipas saj janë jetike për ecurinë e ekonomisë. Si rrjedhojë, parashikimi i huamarrjes totale neto do të jetë afërsisht 2 herë më shumë se sa ishte parashikuar nga administrata “Berisha” për vitet 2014 dhe 2015.


Shkrimi u publikua sot (01.02.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Tiranë/ Lojëra fati dhe baste sportive të paligjshme, 6 të arrestuar

Tiranë/ Lojëra fati dhe baste sportive të paligjshme, 6 të arrestuar

29 Nëntor, 13:20