POP 5

Lajmet më të lexuara të 5 minutave të fundit

Ekonomi

Rritje fare e lehtë e shkallës së
papunësisë në fund të 2013

Sipas INSTAT vlerësohet që 29 % e të rinjve të papunë ishin me arsim të lartë, ku meshkujt e papunë me arsim të lartë përbënin 11 % dhe femrat 18 % të të papunëve gjithsej.
Rritje fare e lehtë e shkallës së<br />papunësisë në fund të 2013
TIRANA – Shkalla e papunësisë në Shqipëri në tremujorin e fundit të vitit 2013 shënoi një rritje fare të lehtë me 0.1 pikë përqindje por duke prekur më tepër të rinjtë e moshës 15-29 vjeç. Sipas një raporti të publikuar nga INSTAT ditën e sotme në tremujorin e katërt të vitit 2013 numri i të papunëve i vlerësuar sipas anketës së forcave të punës ishte 189.230 persona.

 Shkalla e papunësisë ishte 17 %, duke mbetur pothuajse në nivel të ngjashëm me tremujorin paraardhës i cili ishte 16,9 %. Vihet re se gjatë këtij tremujori shkalla e papunësisë për meshkujt e moshës 15-64 vjeç pati një rënie prej 0,4 pikë përqindje krahasuar me tremujorin e tretë të vitit 2013, ndërsa për femrat shkalla e papunësisë lëvizi në kah të kundërt duke pësuar një rritje prej 0,8 pikë përqindje.

Gjatë tremujorit të katërt 2013 shkalla e papunësisë për të rinjtë e moshës 15-29 vjeç u rrit nga 26,9 % që ishte në tremujorin e mëparshëm në 28,1%.

Ndër të rinjtë e papunë 61,7 % ishin të papunë prej një viti a më shumë. Duke analizuar papunësinë e të rinjve sipas nivelit arsimor të tyre, vlerësohet që 29 % e të rinjve të papunë ishin me arsim të lartë, ku meshkujt e papunë me arsim të lartë përbënin 11 % dhe femrat 18 % të të papunëve gjithsej.

 
Redaksia online
el.sk/shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Media greke shkrim racist për shqiptarët: Imagjinoni të festonim ne kështu në mes të Tiranës, nuk respektojnë as bukën që hanë në Greqi

Media greke shkrim racist për shqiptarët: Imagjinoni të festonim ne kështu në mes të Tiranës, nuk respektojnë as bukën që hanë në Greqi

29 Nëntor, 20:27