KORÇË- Kryeministri Edi Rama ka publikuar sot disa pamje nga rruga Korçë-Ersekë, e cila në muajin shkurt pësoi shembje ende pa u inauguruar. Me anë të një video të publikuar në rrjetet sociale kreu i qeverisë thEkson se ky aks i ri do të lidhë dy bashkitë për 20 minuta.

“Ja edhe rruga e rilindur Korçë - Ersekë e përfunduar, si një aks i ri që i lidh dy bashkitë për 20 minuta dhe krijon kushte optimale transporti për banorët, prodhimet bujqësore po edhe nxitjen e mëtejshme të zhvillimit të turizmit që ka nisur me hapa të shpejtë edhe në Kolonjën e në Leskovikun e deri dje braktisur dhe izoluar krejtësisht”, shkruan Rama krah videos.

Po ashtu kryeministri thekson se u vunë shumë kuje e u hodh shumë baltë për një rrëshqitje të rrugës gjatë punimeve, e cila u rindërtua me shpenzimet e bëra tërësisht nga firma.

"U vunë shumë kuje e u hodh shumë baltë për një rrëshqitje të rrugës gjatë punimeve, e cila u rindërtua me shpenzimet e bëra tërësisht nga firma. Qesh mirë kush qesh i fundit", shton ai.

Në muajin shkurt të këtij viti u raportua se traseja e rrugës Korcë-Ersekë, e cila ishte në ndërtim pësoi shembje. Dëmtimi i madh i rrugës ndodhi në vendin e quajtur ‘Qafa e Qarrit- Mollas’.

Ndërtimi kësaj rruge u realizua nga kompania “A. N. K.”, ndërsa prokurorues është Autoriteti Rrugor Shqiptar. Në vitin 2022, për Lotin e Dytë janë dhënë mbi dy miliarde lek nga buxheti i shtetit.

Xh.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rimo: 13/10/2024 19:41

    Nuk u hodh balte kot por e meritonte ate balte se e pame te gjithe si eshte ndertuar me balte e kashte.Detyren ben asgje me shume po jeni mesuar ju politikanti ben shkel e shko.

    Përgjigju
  • Viçidoli: 13/10/2024 17:09

    PO PSE MOR, MOS PRISJE TA BËJE ME LEKËT E POPLLIT....

    Përgjigju
  • Klod: 13/10/2024 13:37

    0 tabel sinjaliatike????

    Përgjigju
  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera