POP 5

Lajmet më të lexuara të 5 minutave të fundit

Ekonomi

Rrugët, drafti: Dënimet nisin
nga 15 ditë burg për shkelësit

Nisma e ministrisë së Transportit dhe Infrastrukturës (MTI) për të rritur sigurinë rrugore bazohet kryesisht në ashpërsimin e masave ligjore por edhe të formacioneve arsimore në kurrikulat shkollore.
TIRANE- Nisma e ministrisë së Transportit dhe Infrastrukturës (MTI) për të rritur sigurinë rrugore bazohet kryesisht në ashpërsimin e masave ligjore por edhe të formacioneve arsimore në kurrikulat shkollore. Zbatimi i masave të propozuara do të kryehet kryesisht në një bashkëpunim më të thelluar dhe të koordinuar midis organeve të Transportit dhe atyreve të Drejtësisë. Për më tepër, zbatimi i këtyre masave do të kryhet sipas ligjit për të gjithë përdoruesit e rrugës, qofshin këta përdorues të mjeteve apo këmbësorë.

Ashpërsimi
Një nga problematikat kryesore në Shqipëri është mos zbatimi i rregullave të qarkullimit. Një nga masat e propozuara në kuadrin ndëshkimor është rishikimi i Nenit 129, të Kodit Penal. Sipas kësaj reformë, dënimi për kundravajtjet do të kishte si pikënisje fillestare masën ndëshkimore prej 15 ditësh burg. Ndërkaq pritet forcimi i rregullave të  qarkullimit rrugor dhe zbatimi i tyre pa kompromis, në këto drejtime: respektimi i normave të shpejtësisë,  mospërdorimit të alkoolit,  drogave dhe telefonit celular,  përdorimi i rripit të sigurimit dhe kaskave mbrojtëse. Për të bërë këtë më efikase Ministria e Punëve të Brendshme (MPB) si edhe Ministria e Transportit dhe Infrastrukturës kanë hartuar një aktmarrevjeshje që do të thellojë bashkëpunimin për të gjobitur kundravajtësit.

Teknologjia
Në mënyrë që monitorimi i rrugës të jetë dhe mbledhja e përpunimi i të dhënave të jetë sa më efikas, do të përdoret një sistem i informatizuar. Kjo do të kryhet gjithmonë e më shumë nëpërmjet sistemit “SCOUT” dhe leximit telematik të targës.
 
Fugonat
Për të gjithë ato fugonat e transportit ndërqytetas, që nuk plotësojnë  kërkesat minimale të sigurisë rrugore, është propozuar që të mos lejohen më të kryejnë shërbimin e trasportit publik. Kjo për shkak të mundësisë së lartë që kanë këto mjete, të cilat nuk i plotësojnë kërkesat e sigurisë, për të pësuar aksidente rrugore. Pritet që kjo nismë të jetë realizuar deri në muajin maj 2014.
 
Sigurimi
Në analizën e organeve të Transportit është konstatuar një informalitet i lartë, për sa i përket sigurimit të detyrueshëm të mjeteve motorike. Një masë e propozuar për të zgjidhur këtë problem është detyrimi që në fazën e regjistrimit të mjeteve rrugore dhe pagimit të taksave të tyre pasi të jetë lidhur paraprakisht kontrata e sigurimit të detyrueshëm të mjeteve.
 

Shkrimi u publikua sot (26.01.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55