POP 5

Lajmet më të lexuara të 5 minutave të fundit

Kultura

'Rrugëtimi im', prezantohet në Lezhë libri i Pashk Përvathit! Preç Zogaj: Piktori i talentuar edhe në letërsi! Ndue Dedaj: Shkruan me vertetësi e gjuhë të pasur

Piktori i njohur Pashk Përvathi promovoi në Lezhë librin e tij të parë “Rrugëtimi im”, mbi jetën e tij artistike.

Jetën e tij artistike, në rrugëtimin gjysmë shekullor, piktori i njohur Pashk Përvathi e ka përmbledhur në një libër të titulluar “Rrugëtimi im”, botuar nga “Toena”. I janë dashur 12 vite për të shkruar jetëshkrimin, duke mos u shkëputur për asnjë çast nga piktura, që është dhe pasioni i tij i jetës. Libri i ngjan një romani autobiografik, që sjell njëherësh dhe mjedisin artistik dhe kulturor të Lezhës së viteve ’70-90.

“Kam pasur çfarë të rrëfej sepse jeta ime ka qenë paksa e çuditshme dhe me vështirësi por jam përpjekur të jem i vertetë. Të vertetat artistike i kam shpalosur në libër dhe nuk kam folur vetëm për vetem por dhe për koleëg e ngjarje”, tha piktori Përvathi.

Pas Tiranës, libri u promvua në Lezhë, vendlindjen e piktorit Përvathi, ku morën pjesë artdashës të shumtë, shkrimtarë, publicistë dhe autoritete lokale. Takimin e hapi botuesja Irena Toçi, e cila foli për vlerat e librit të Përvathit. Rreth librit folën gjithashtu: Rudolf Marku, Ndue Dedaj, Preç Zogaj, Fatmir Toçi, si dhe sollën mbresa: Frano Kulli, Martin Leka e Tom Therçaj. Përshëndeti dhe kryebashkiaku Pjerin Ndreu.

“Këtë libër autobiografik e kemi pritur nga Pashku por se shkruan kaq bukur pakkush e ka besuar. E ka talent të fshehur të shkruarin bukur!”, tha publicisti Preç Zogaj publicist.

Ndërsa në referencen e tij, publicisti Ndue Dedaj thekson: “Rasti e ka sjellë ta ndjekë këtë libër që në fletët e para. Autorit iu deshën mbi 10 vite për ta shkruar dhe gjatë komunikimit me Pashkun kam vënë re përkushtimin për ti thënë gjëra me saktësi, pa zbukurime. Në kohën kur libri po bëhej gati për botim ishte kthyer dhe vetë në një redaktor”.

Ky libër i Pashk Përvathit rrëfen udhëtimet e tij mes Lezhës e Tiranës si dhe në qytete e fshatra anembanë vendit, nga bregdeti në alpe, ku ka shkelur me kavalet në krah për të realizuar pikturat me peisazhe. Po ashtu ai ka pikturuar dhe në shumë shtete të botës. Pervathi është gjithnjë në përbërje të kolonive të piktorëve.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29