POP 5

Lajmet më të lexuara të 5 minutave të fundit

Kronikë

'Rrugorja' shton masat për fundvit, qytetarët nuk i binden rregullave të qarkullimit

Në ditët e fundit të festave të fundvitit Policia Rrugore ka shtuar kontrollet e saj, për shkak edhe të trafikut të ngjeshur që krijohet me ardhjen e emigrantëve. Edhe pse masat administrative të vendosura Për shkelje të ndryshme janë të   shumta, duket se qytetarët nuk i binden Kodit Rrugor, ndërsa shkeljet më të shumta të tyre janë përdorimi i celularit. Gjoba për këtë shkelje shkon deri në 150 mijë lekë të vjetra.

TIRANË- Policia Rrugore ka shtuar kontrollet e saj në ditët e fundit të fundvitit. Prej disa ditësh, teksa kanë dalë edhe në gatishmëri të përforcuar, edhe masat e efektivëve në terren janë edhe më të shumta, për shkak edhe të fluksit të emigrantëve, ku edhe trafiku bëhet edhe më i rënduar.

Edhe pse çdo ditë, efektivë të Policisë Rrugore vendosin në ditë mbi 200 gjoba për shkelje të ndryshme të Kodit Rrugor, duket se qytetarët vijojnë të udhëtojnë me shkelje, duke mos respektuar Kodin Rrugor.

Në një vëzhgim të bërë nga Report TV, përtej shpejtësisë që automjetet lëvizin në rrugët kryesore të kryeqytetit, pjesa më e madhe e tyre përdorin celularin teksa janë në lëvizje.

Gjoba për përdorimin e celularit nga drejtuesit e mjeteve varion deri në 150 mijë lekë të vjetra, e në rast se një drejtues mjeti do gjobitet 3 herë brenda një viti për përdorimin e celularit, atij do t’i pezullohet patenta nga 1 deri në 3 muaj.
Megjithatë, përveç drejtuesve të mjeteve që nuk respektojnë Kodin Rrugor, një fenomen jo pak shqetësues ngelin edhe këmbësorët, të cilët nuk kalojnë në vijat e bardha, duke u bërë kështu edhe burim aksidenti.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

18 Prill, 23:13