POP 5

Lajmet më të lexuara të 5 minutave të fundit

Kultura

Rubrika 'Në librari'! Strakosha, përballja e dy kohëve te 'Ngjyrat e viteve', Kulli dhe 'Rileximi i Fishtës në kohën e lirisë', për të rinjtë 'Lotët e Marit'

Rubrika “Në Librari” vjen këtë fundjavë me tri tituj të rinj.

Rubrika “Në Librari” vjen këtë fundjavë me tri tituj të rinj.

Titulli: “Ngjyrat e viteve”
Autore: Sonila Strakosha
Shtëpia Botuese: “Mediaprint”
Çmimi: 800 lekë

Një televizion pa ngjyra, ku Rai çelte një dritare ëndërrimtare drejt botës italiane. Në librin  e saj të gjashtë “Ngjyrat e viteve”, autorja Sonila Strakosha sjell ndjesi, dialogë, imazhe filmike e fletë ditari të  protagonistes, Rezartës, një adoleshenteje të viteve ’80, që me grimca të mbledhura prej ekranit, librave e rrëfimeve thur ëndrra për botën perëndimore, deri sa e  prek nga afër, pas rënies së regjimit. Autorja, njësoj si personazhi kryesor i saj, mban ditar që në rininë e hershme, çka e ndihmon edhe në shkrimin e këtij libri, që shkon deri në vitet ’96, duke përfshirë me delikatesë, edhe jetën në emigracion.

Titulli: “Fishta, rileximi në kohën e lirisë”
Autor: Frano Kulli
Shtëpia Botuese: “Botimet Fishta”
Çmimi: 600 lekë

I botuar rishtazi, libri me ese “Fishta, rileximi në kohën e lirisë”, sjell panoramën e asaj që ndodhi pas rënies së regjimit, me një nga shkrimtarët më me peshë të traditës, i ndaluar në diktaturë.  Publicisti Frano Kulli, tregon krahas aktit të zhvarrimit, se  si u rivendosën me hapa të avashtë kontaktet e veprës së Fishtës me lexuesin gjatë dekadës së parë të demokracisë, personalitetet që kontribuuan në rikthimin e tij, por edhe fakte të lëna në hije. Fishta  në dëshminë e rrallë të Koliqit, shkrimtari si At e akademik, por edhe mes debatesh e krahasimeve me shkrimtarë të tjerë si Migjeni.

Titulli: “Lotët e Marit”
Autor: Fatmir Gjestila
Shtëpia Botuese: “Emathia”
Çmimi: 800 lekë

I frymëzuar nga historitë e nxënësve të tij, në veri të Shqipërisë, ku jepte mësim gjatë diktaturës, por edhe si tentativë për të mbajtur gjallë kujtesën për çka ndodhi në atë sistem, shkrimtari Fatmir Gjestila sjell romanin “Lotët e Marit”, i përzgjedhur nga Qendra e Librit e Leximit si fitues i Fondit Letrar për Fëmijë.

Protagonistin e rimerr prej romanit “E fshehta e Kështjellës së zezë”, ndërsa rrëfimi vjen i ilustruar nga i biri, Marigleni, një mënyrë kjo për të njohur brezin e ri, me egërsinë e diktaturës, përmes vuajtjeve të bashkëmoshatarëve të tyre.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dante: 12/02/2023 11:07

    Shumë i bukur libri i Znj.Sonila Strakosha..!

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Ndiqni intuitën dhe mos kini frikë të merrni vendime të guximshme... Çfarë thonë yjet për ju sot

Ndiqni intuitën dhe mos kini frikë të merrni vendime të guximshme... Çfarë thonë yjet për ju sot

15 Janar, 07:11